Útskriftartímabilið er að hefjast og því ekki seinna vænna að fara að huga að deginum. Á óskalista vikunnar finnur þú tíu vörur sem eru fullkomnar fyrir útskriftardaginn, allt frá draumakjólnum yfir í kökudiskinn sem er ómissandi á útskriftardaginn!

Draumakjóllinn!

Það er fátt sem toppar fallegan hvítan kjól á útskriftardaginn. Þessi kjóll er eftir íslenska hönnuðinn Eddu Gunnlaugsdóttur og er í afar fallegu og klæðilegu sniði. 

Klassískir en trylltir!

Þessir flottu hælaskór eru klassískir og geta passað við nánast allt, en það sem gerir þá extra flotta er tull-efnið sem getur poppað upp hvaða lúkk sem er!

Augnakonfekt!

Þetta fagra pils frá House of Sunny er sannkallað augnakonfekt sem auðvelt er að dressa upp eða niður – það er nefnilega extra gaman að geta notað útskriftardressið áfram!

Fáguð og töff!

Blúnduskyrtan frá Opéra Sport er líka án efa flík sem hefur mikið notagildi eftir útskriftardaginn, en hana er einnig auðvelt að dressa upp og niður enda einstaklega smart.

Tímalaust með tvisti!

Perlur eru alltaf fallegar í skarti, en þetta hálsmen er með skemmtilegu tvisti sem gerir það sannarlega einstakt. Svo er það líka tilvalin útskriftargjöf fyrir þá sem eru í leit að slíkri!

Fyrir veisluna!

Það er ómissandi að eiga fallegan kökustand fyrir útskriftarveisluna. Þessi poppar án efa upp veisluborðið og gefur því sumarlegt yfirbragð!

Glitur á útskriftardaginn!

Ef það er einhvern tímann tilefni til að glitra þá er það á útskriftardaginn! Þessi guðdómlegi jakki mun setja punktinn yfir i-ið á útskriftardressinu.

Þessi sem fer beint á óskalistann!

Þessi hringur er úr vörulínunni Eldur og Ís frá Sign og prýðir án efa óskalista margra fagurkera. Hann er líka fullkomin gjöf!

Hlébarðaæði frá toppi til táar!

Sannkallað hlébarðaæði hefur tekið yfir tískuheiminn og því er vel við hæfi að klæðast mynstrinu frá toppi til táar á útskriftardaginn!

Töfrandi augnaráð! 

Ef þig langar að útskrifast eða mæta í útskriftarveislu þá gæti þessi augnskuggi frá Chanel hitta í mark. Hann virkar hvítur á litinn en er með perluáferð gefur augnsvæðinu meiri dýpt.