Katrín prinsessa af Wales klæddist hvítum kjól á laugardaginn í skrúðgöngu til heiðurs Karli Bretakonungi. Þetta var fyrsta skipti sem Katrín sást opinberlega síðan á jóladag. Prinsessan hefur verið í krabbameinsmeðferð að undanförnu. 

Katrín tók enga áhættu og klæddist breska merkinu Jenny Peckham. Merkið er í miklu uppáhaldi hjá henni. Hún hefur klæðst svipuðu sniði frá merkinu áður en hún hefur einnig klæðst síðkjólum frá merkinu við sérstaklega fín tilefni. 

Hvít og svört slaufan er áberandi sem og mittisbandið. AFP/ JUSTIN TALLIS

Gamall kjóll

Erlendir miðlar benda á að Katrín hafi klæðst kjólnum kvöldið fyrir krýningu Karls Bretakonungs í fyrra. Kjólnum var þó breytt fyrir skrúðgönguna á laugardaginn. Hálsmálinu og mittisbandinu var breytt á þann veg að í fyrra var kjóllinn aðeins með svörtu mittisbandinu en ekki hvítu og svörtu. Ekki var heldur um að ræða eins áberandi slaufu.  

Breska konungsfjölskyldan á svölum Buckingham-hallar. AFP/HENRY NICHOLLS

Katrín eins og Audrey Hepburn

Ef rýnt er í kvikmyndasöguna má sjá líkindi með kjólnum og kjólnum sem persóna Audrey Hepburn klæddist í kvikmyndinni My Fair Lady árið sem kom út árið 1964. Sagan á hins vegar að gerast í byrjun 20. aldar í Lundúnum. 

Audrey Hepburn í My Fair Lady. Ljósmynd/Imdb

Tengdar fréttir

Kóngafólk í fjölmiðlum

Á að hafa eytt mikilvægum gögnum

• Eiginkonan tjáir sig í fyrsta sinn eftir skilnaðinn
• „Það mun éta þig upp að innan“
• 84 ára fyrrverandi eiginmaður Camillu kominn á fast
• Anna prinsessa dvelur enn á spítala

» Fleiri tengdar fréttir

Fatastíllinn

Sunneva klæddist tveimur bikiníum í einu

• Chanel-jakkinn með breyttu sniði og hnésíð pils áberandi
• Húrra Reykjavík komið til Keflavíkur
• Ofurfyrirsæta lifir snekkjulífi í íslenskum kjól
• Alltaf verið markmiðið að stofna eigið fatamerki

» Fleiri tengdar fréttir

• Blogga um frétt