10 hlutir sem eru ómissandi fyrir sólarlandaferðina
Setja bókamerki
Fjölmargir Íslendingar hafa beðið spenntir eftir því að eyða sumarfríinu áhyggjulausir á sólarströnd, enda fátt sem knýr jafn mikinn eldmóð og þrautseigju fram í landanum eins og að vita af sólríku fríi framundan.
Þar sem einn mesti ferðamánuður ársins er genginn í garð tók Smartland saman tíu vörur sem tískuunnendur og fagurkerar munu elska í sólarlandaferðinni, allt frá draumabikiníinu yfir í óvæntan fylgihlut.
Íslensk hönnun á ströndinni!
Það hljómar alls ekki illa að spóka sig um á ströndinni í þessu fallega bikiníi eftir íslenska fatahönnuðinn Hildi Yeoman. Bikiníið er úr Reflections-línu Hildar, en hvíti og blái liturinn býr til fullkominn kontrast við sólkyssta húðina!
Létt og þægileg!
Það getur verið snúið að finna réttu yfirhöfnina fyrir sólarlandaferðina innan um þykkar úlpur og regnjakka í fataskápnum. Þá kemur þessi fallegi yfirjakki sterkur inn, en hann er léttur og þægilegur til að henda yfir sig hvenær sem er.
Hinn fullkomni sumarkjóll!
Glaðlegir litir og fallegt snið einkennir þennan guðdómlega sumarkjól úr smiðju Stine Goya. Svo setur opna bakið punktinn algjörlega yfir i-ið!
Strandtaska drauma þinna!
Fallegar ofnar strandtöskur hafa verið að gera allt vitlaust í tískuheiminum á undanförnum vikum. Þessi taska er frá merkinu DAY et og er í senn stílhrein og rúmgóð – fullkomin taska í sólarlandaferðina sem passar við allt!
Þessi sem gleðja augað!
Það er eiginlega ekki hægt að fara í sólarlandaferð án þess að taka með sér góð sólgleraugu. Um þessar mundir er sólgleraugnatískan fjölbreytt og spennandi, en stærri umgjarðir og ljósari lituð gler virðast vera að koma sterkt inn núna!
Óvænt á óskalistann!
Bucket-hattar hafa verið með óvænta endurkomu að undanförnu og rata að sjálfsögðu beint á óskalista tískuunnenda fyrir sumarið!
Uppáhald skandinavísku tískudrottninganna!
Svo virðist sem tískudrottningar skandinavíu séu sammála um að góðar hörbuxur séu ómissandi í öll ferðalög, ekki síður ef haldið er á suðrænar slóðir. Buxurnar eru léttar, þægilegar og svo er ótrúlega auðvelt að dressa þær upp og niður!
Sumarskart fagurkerans!
Í sumar hafa falleg hálsmen í hinum ýmsu litum verið að koma sterk inn. Keramiklistakonan Hekla Nína Hafliðadóttir gaf nýverið út afar fallega línu með hálsmenum sem eru fullkomin við hvaða sumardress sem er!
Poppaðu lúkkið upp!
Góðir sandalar eiga án efa heima í ferðatöskunni þegar haldið er á hlýrri slóðir, en það er tilvalið að nýta þá til að poppa lúkkið upp. Þessir silfurlituðu sandalar eru afar stílhreinir en grípa án efa augað!
Förðunartrix sumarsins!
Á sumrin færa margir sig yfir í náttúrulegri förðun með áherslu á sólkyssta og ljómandi húð. Um þessar mundir er það allra heitasta að skipta svarta maskaranum út fyrir brúnan sem gefur mildara lúkk fyrir sumarið!
Hitinn á pari við Tenerife
Tvær bílaleigur gjaldþrota það sem af er sumri
Kostnaður fimmfalt hærri á þessu ári
Efnishyggjan hefur tekið yfir
Máli Alecs Baldwin vísað frá dómi
Rokselja sólmyrkvaferðir til Íslands
„Skelfilegt að svona komi upp“
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál