Söngkonan Jóhanna Guðrún Jónsdóttir hefur vakið mikla athygli í bleikum sjóstakki í myndbandi hennar fyrir Þjóðhátíðarlagið 2024, sem ber heitið Töfrar.

Við fyrstu sýn líkist þetta pollagalla en þetta er þó enginn venjulegur pollagalli heldur sjóstakkur sem hefur fylgt Íslendingum í áraraðir og farið frá því að vera einungis notaður sem hlífðarfatnaður á sjó yfir í að prýða landsmenn á útihátíðum.

Sjóstakkarnir hafa fylgt Íslendingum í áraraðir.

Fleiri frægir hafa látið sjá sig í þessum fatnaði að undanförnu en vinkonurnar Sunneva Einarsdóttir og Birta Líf Ólafsdóttir, áhrifavaldar og hlaðvarpsstjörnur, klæddust einnig bleiku sjóstökkunum á ferð sinni um landið nú á dögunum.

Bleiku stakkarnir ruku út

Stakkarnir eru frá 66°Norður og eru að sögn forsvarsmanna verslunarinnar uppseldir en von er á nýrri sendingu á næstu dögum. 

„Í tilefni af góðum viðtökum ætlar 66°Norður að slá til heljarinnar sumarveislu í verslun sinni á Laugavegi 17 þann 24. júlí þar sem hver og einn getur fundið sér fatnað sem hentar vel fyrir íslenskt sumar. Þar mun Daniil stíga á svið ásamt því að DJ Guðný Björk mun þeyta skífum,“ segir í tilkynningu frá 66°Norður.

Sjóstakkarnir fást í bleiku og brúnu. Mynd/Sigríður Margrét

Tengdar fréttir

Fatastíllinn

Björn Skúlason fékk skóstuðning úr óvæntri átt

• Snorri mætti í sérsaumuðum jakkafötum
• Nammigrísir gætu fagnað nýrri peysu frá Hugleik
• Klæddist 915 þúsund króna dragt á kosningakvöldinu
• Hvernig varð Guðni Th. forsetinn með buffið?

» Fleiri tengdar fréttir

• Blogga um frétt