Smekklegustu konur landsins
Setja bókamerki
Tengdar fréttir
Fatastíllinn
Fegurð íslenskra kvenna er margrómuð enda vart þverfótað fyrir glæsilegum og smekkvísum konum hér á landi. Íslenskar konur eru sjálfstæðar, ófeimnar og óhræddar að fara sínar eigin leiðir þegar kemur að tísku og hafa margar vakið athygli fyrir fallegan og áhugaverðan klæðaburð.
Smartland tók saman lista yfir nokkrar af smekklegustu konum landsins.
Halla Tómasdóttir
Halla Tómasdóttir, verðandi forseti Íslands, vakti mikla athygli fyrir einstaklega fallegan klæðaburð yfir kosningabaráttuna. Halla klæddist gjarnan björtum litatónum og setti punktinn yfir i-ið með fallegum hálsklútum.
Valgerður Matthíasdóttir
Fjölmiðlakonan Valgerður Matthíasdóttir, best þekkt sem Vala Matt, er ávallt glæsileg til fara. Hún er þekkt fyrir að klæðast skemmtilegum mynstruðum flíkum sem vekja eftirtekt hvar sem hún kemur.
Bríet Ísis Elfar
Söngkonan Bríet tjáir sig með fatastíl sínum og mótar sína eigin tísku. Hún er óhrædd að hugsa út fyrir rammann og skapa eitthvað nýtt.
Birgitta Haukdal
Birgitta Haukdal, söngkona og barnabókahöfundur, hefur mikla ástríðu fyrir fallegum og vel gerðum flíkum. Birgitta klæðist reglulega fallegum mynstrum og elskar glimmer og palíettur.
Ragnhildur Steinunn Jónsdóttir
Sjónvarpskonan Ragnhildur Steinunn Jónsdóttir er ein glæsilegasta kona landsins. Hún veit hvað klæðir hana best og hefur sýnt það og sannað í gegnum árin.
Helga Kristín Ingólfsdóttir
Helga Kristín Ingólfsdóttir er mikil smekkkona og fagurkeri sem hefur að undanförnu vakið athygli á samfélagsmiðlum fyrir skemmtileg tískumyndbönd sem hún deilir undir myllumerkinu minnstíll.
/frimg/1/49/39/1493925.jpg)
Pattra Sriyanonge
Pattra Sriyanonge, leikkona og samfélagsmiðlastjarna, er klár að setja saman skemmtilegar fatasamsetningar. Hún er alltaf smart og lætur það líta út fyrir að vera áreynslulaust.
Elín Hall
Leikkonan Elín Hall er algjör töffari og hefur vakið athygli fyrir fataval sitt. Allra augu voru á leikkonunni þegar kvikmyndin Ljósbrot var frumsýnd á kvikmyndahátíðinni í Cannes í maí. Elín var stórglæsileg í kjól frá franska tískuhúsinu Chanel.
Salka Sól Eyfeld
Söng- og leikkonan Salka Sól Eyfeld er alltaf smart til fara. Hún er mikill fagurkeri og með gott auga fyrir fallegum flíkum.
Sanna Magdalena Mörtudóttir
Sanna Magdalena Mörtudóttir, borgarfulltrúi Sósíalistaflokksins, er með skemmtilegan fatastíl og klæðist gjarnan björtum litum. Hún tekur sig vel út í öllum litum regnbogans.
Guðrún Helga Sörtveit
Guðrún Helga Sörtveit förðunar- og lífstílsbloggari veit svo sannarlega hvað hún syngur þegar kemur að fallegum og smekklegum flíkum.
Junia Lin Jónsdóttir
Tónlistarkonan Junia Lin Jónsdóttir hefur vakið gríðarlega mikla eftirtekt fyrir fallegan klæðaburð og góða tískuvitund. Hún er með tímalausan stíl og birtir reglulega myndir af „outfitti“ dagsins á Instagram.
Helga Margrét Agnarsdóttir
Helga Margrét Agnarsdóttir, laganemi, dansari og áhrifavaldur, er með skemmtilegan og litríkan fatasmekk. Hún er afar hrifin af bleikum og rauðum litum.
Hulda Katarína Sveinsdóttir
Hulda Katarína Sveinsdóttir, leirlistakona og verslunarstjóri í Andrá, er þekkt fyrir klassískan og látlausan fatastíl. Hún klæðist gjarnan mildum jarðtónum.
Sólbjört Sigurðardóttir
Dansarinn og leikkonan Sólbjört Sigurðardóttir hefur einstakan fatastíl en hún klæðist oft rokkuðum flíkum í bland við litagleði. Eins og félagar hennar í hljómsveitinni Hatara er hún ekki hrædd við að skera sig úr, hvort sem það er val á efnum, fatasamsetningu eða litum. Dansgyðjan „púllar“ hvað sem er!
Chanel Björk Sturludóttir
Fjölmiðlakonan Chanel Björk Sturludóttir, þekktust fyrir heimildaþætti sína Mannflóran, er snillingur í að setja saman hversdagdress við litríka frakka en á líka auðvelt með að velja glæsilega kjóla við góð tilefni, kjóla í öllum regnbogans litum og fallegri hönnun.
Brynja Bjarnadóttir Anderiman
Fyrirsætan Brynja Bjarnadóttir Anderiman er með skemmtilegan fatastíl en hún elskar að klæðast fallegum hælaskóm eða stígvélum. Á myndinni klæðist Brynja sturluðu pari af rauðum háhæluðum leðurstígvélum í áhrifavaldaferð sem hún fór í með vinum sínum til Króatíu á dögunum. Óhætt er að segja að rauður sé hennar litur!
Tengdar fréttir
Fatastíllinn
Sauðfé líklega orðið jökulhlaupinu að bráð
Myndir: Tjón vegna jökulhlaups
Segir Helga Magnús ekki hafa bætt ráð sitt
Ekki von á frekari hlaupum að svo stöddu
Besti dagur sumarsins í Reykjavík um helgina
/frimg/1/50/64/1506412.jpg)
Höfuðpaur réði og rak fólk og veitti því hlunnindi
Færeyingar hóta afleiðingum
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál