Í ár eru liðin 25 ár frá því að kvikmyndin Runaway Bride var frumsýnd í kvikmyndahúsum víðs vegar um heim. Stjörnuleikararnir Julia Roberts og Richard Gere fóru með aðalhlutverkin í rómantísku gamanmyndinni sem var leikstýrt af Gerry Marshall, þeim sama og leikstýrði leikurunum í kvikmyndinni Pretty Woman níu árum áður.

Runaway Bride fjallar um brúði, leikin af Roberts, sem hefur í þrígang yfirgefið brúðguma sína við altarið. Gere leikur blaðamann sem er sendur út af örkinni til að kynna sér málið nánar. Karakterar Roberts og Gere, Maggie Carpenter og Ike Graham, enda á að falla fyrir hvort öðru og ganga að lokum í hjónaband.

Einn fallegasti brúðarkjóll sem sést hefur á skjánum

Kjóllinn sem Roberts klæddist í lokasenu kvikmyndarinnar er talinn einn fallegasti brúðarkjóll sem sést hefur á skjánum og hefur reglulega ratað inn á lista yfir ógleymanlega og tímalausa brúðarkjóla.

Búningahönnuður Runaway Bride var Albert Wolsky og hannaði hann alla brúðarkjólana sem Roberts klæddist, fyrir utan þann sem hún klæddist í lokasenu kvikmyndarinnar. Þann kjól fann Wolsky fyrir hreina tilviljun í verslun Saks Fifth Avenue í New York. Brúðarkjóllinn var hannaður af eþíópíska brúðarkjólahönnuðinum Amsale Aberra.

Í tilefni af 25 ára útgáfuafmæli Runaway Bride ætlum við að rifja upp brúðarkjóla Maggie Carpenter.

Kjólavalið var skemmtilegt og ólíkt. Skjáskot/IMDb

Karakter Roberts flúði eitt brúðkaup á hestbaki. Skjáskot/IMDb

Hinn svokallaði „bjöllukjóll“ heillaði marga. Skjáskot/IMDb

Brúðarkjóllinn sem Roberts klæddist í lokasenu kvikmyndarinnar er í uppáhaldi flestra aðdáenda Runaway Bride. Skjáskot/IMDb

Tengdar fréttir

Brúðkaup

Einar Hrafn og Sólbjört fagna pappírsbrúðkaupi

• Ragnhildur Steinunn og Haukur gift í sex ár
• Gerður í skýjunum eftir rómantískt bónorð
• Rakel Björk og Garðar orðin hjón
• Áslaug Arna leyfði hárinu að flaksa í seyðfirsku sumargolunni

» Fleiri tengdar fréttir

Fatastíllinn

Tryllt í að eignast sjóstakk Jóhönnu Guðrúnar

• Smekklegustu konur landsins
• Sjáðu fötin sem Erna Sóley mun klæðast á Ólympíuleikunum
• Jóhanna Guðrún vekur athygli í bleikum sjóstakki
• 10 hlutir sem þú þarft í útileguna um verslunarmannahelgina

» Fleiri tengdar fréttir

• Blogga um frétt