Ástralska leikkonan Cate Blanchett fangaði athygli gesta og gangandi á frumsýningu kvikmyndarinnar Borderlands í Los Angeles á þriðjudag.

Blanchett, þekkt fyrir einstaklega smekklegan klæðaburð, fór óhefðbundnar leiðir í fatavali sínu fyrir frumsýninguna. Leikkonan klæddist hönnun frá sænska tískuhúsinu Hodakova og gekk dregilinn, sem var gulur á litinn, íklædd 102 silfurskeiðum eða réttara sagt toppi þöktum 102 silfurskeiðum.

Blanchett stillti sér upp ásamt meðleikurum sínum, Jamie Lee Curtis og Jack Black. Ljósmynd/AFP

Sænska tískuhúsið leggur áherslu á umhverfisvæna og sjálfbæra tísku og hafa flíkurnar verið afar vinsælar meðal Hollywood-stjarna undanfarin misseri. Emma Corrin, Kylie Jenner og Camila Cabello eru meðal þeirra sem hafa klæðst flíkum frá tískuhúsinu sem var stofnað af Ellen Hodakova Larsson árið 2021.

Stílisti Blanchett, Elizabeth Stewart, birti myndir af leikkonunni á Instagram-síðu sinni í gærdag og hrósaði sænska tískuhúsinu í hástert.

Tengdar fréttir

Rauði dregillinn

Mætti með son sinn upp á arminn

• Stal senunni í 22 ára gömlum kjól
• Laufey fagnaði frumsýningu Wicked
• Nýtt útlit Evans vekur athygli
• Hvað kom fyrir andlitið á Gabrielle Union?

» Fleiri tengdar fréttir

Instagram

Herra Hnetusmjör fagnar átta árum edrú

• Endurgerði þekkt kvikmyndaveggspjald buxnalaus
• Fagnaði tveggja ára frelsi Kleina úr fangelsi með seiðandi ljósmynd
• Elín Metta og Sigurður eignuðust dóttur
• Lára og Jens Hilmar eiga von á barni

» Fleiri tengdar fréttir

• Blogga um frétt