Armani Beauty er komið til landsins

Augnskuggarnir frá Armani þykja frábærir.

Hátískumerkið Armani var stofnað árið 1975 og er enn starfrækt í dag. Giorgio Armani, stofnandi og einn farsælasti ítalski hönnuður sögunnar, fagnaði 90 ára afmæli í vor og er enn að hanna.

Árið 2000 kom snyrtivörulínan Armani Beauty á markaðinn. Innblástur Giorgios var einfaldur glæsileiki og náttúrulegur þokki sem einkennir vörurnar í dag. Fyrir nokkrum árum varð förðunartíska allsráðandi sem gekk út á það að líta náttúrulega út, eins og farði væri ekki til staðar. Armani þótti brautryðjandi í þeim efnum. Förðunarvörurnar frá Armani eiga hvorki að fela né umbreyta heldur eru þær hannaðar til að draga fram náttúrulega fegurð hvers og eins. Allar vörurnar eru náttúrulegar og einfaldar í notkun.

Margir eru meðvitaðir um hvaða efni eru notuð í snyrtivörur en við framleiðslu á vörunum frá Armani er fylgt ströngum reglum til að tryggja mestu mögulegu gæði og verndun umhverfis og heilsu. Vörurnar innihalda til dæmis náttúrulegt shea-smjör og argan-olíu frá Burkína Fasó.

Augnskuggarnir frá Armani þykja þægilegir í notkun.

Farðarnir vinsælastir

Húðin er í aðalhlutverki hjá snyrtivörumerkinu og eru farðarnir vinsælasta varan. Farðarnir fela hvorki né mynda grímu á húðinni heldur draga fram ljóma og náttúrulega fegurð. Luminous Silk-farðagrunnur, farði og hyljari eiga að sjá til þess að húðin verði jöfn og lýtalaus allan daginn.

Luminous Silk farðarnir frá Armani eru vinsælir og gefa náttúrulegt útlit.

Dáleiðandi augnaráð

Fyrir tískusýningar Armani er lagt kapp á að viðhalda náttúrulegri lögun augnanna og dáleiðandi augnaráð dregið fram. Vinsælustu augnvörurnar frá merkinu eru Eye Tint-augnskuggarnir og Eyes To Kill Classico-maskari.

Eye Tint frá Armani.

Breitt úrval varalita

Rouge d’Armani-varalitirnir komu á markað fyrir meira en áratug og hafa sterkir litir þótt klassík síðan þá. Breitt úrval varalita og glossa er til frá Armani en vinsælustu vörurnar eru Lip Power-varalitirnir sem koma í miklu litaúrvali.

ARMANI BEAUTY kemur á markað laugardaginn 31. ágúst og mun einungis fást í Lyf & heilsu Kringlunni.