Nýr umsjónarmaður tísku í dægurmáladeild ritstjórnar

Edda Gunnlaugsdóttir, sem hefur starfað hjá Árvakri frá því síðasta haust, hefur tekið við nýju starfi umsjónarmanns tísku- og snyrtivöruumfjöllunar á dægurmáladeild ritstjórnar. Edda er menntaður fata- og textílhönnuður frá University of the Arts London – London College of Fashion. Hún hefur verið í störfum tengdum tísku frá unglingsaldri, starfaði lengi vel hjá NTC ehf. en hóf fyrst störf sem blaðamaður hjá íslenska tískutímaritinu Glamour. Þar starfaði hún einnig sem tískuritstjóri og síðar ritstjóri yfir tímaritinu. Síðar ritstýrði hún tímaritinu Endurnýttu lífi sem Rauði krossinn gaf út. Þá stofnaði Edda sitt eigið fatamerki árið 2020, ddea, sem hún segir að sé í dag lítið áhugamál hjá henni.