Kvikmyndahátíðin í Feneyjum er hafin og skærustu stjörnur Hollywood mættar á rauða dregilinn. Hátíðin stendur yfir til 7. september og verður því mikið um skemmtileg tískuaugnablik næstu daga. Stærstu frumsýningar hátíðarinnar eru Joker: Folie á Deux, Queer, Beetlejuice Beetlejuice og Babygirl.

Amal Clooney, eiginkona George Clooney, var glæsileg í smjörgulum kjól frá Atelier Versace. Emily Ratajkowski fór aftur í tímann og klæddist Gucci kjól frá árinu 2004 þegar Tom Ford var listrænn stjórnandi.