Glæsilegur hárblástur Áslaugar Örnu Sigurbjörnsdóttur, háskóla-, iðnaðar- og nýsköpunarráðherra, hefur verið áberandi í umræðunni undanfarna daga eftir umdeild ummæli Ásgeirs Bolla Ásgeirssonar, sem jafnan er kenndur við verslunina 17, um ungar konur.

Ásgeir vill bjóða fram viðbótarlista fyrir Sjálfstæðisflokkinn undir merkjum DD-lista. Í viðtali á Vísi sagði Ásgeir: „Við erum ekk­ert að leita að ein­hverj­um, hvað á ég að kalla það. Ein­hverj­um ný­út­skrifuðum stúlk­um sem ætla bara að blása á sér hárið og naglalakka sig. Þó ég hafi fulla virðingu fyr­ir ungu fólki þá þurf­um við fólk með reynslu og eitt­hvað fólk sem hef­ur áunnið sér eitt­hvað í líf­inu.“

Áslaug Arna svaraði ummælunum í færslu á Facebook þar sem hún skrifaði: „Hjá sum­um er Boll­inn alltaf hálf tóm­ur, en hjá „ný­út­skrifuðum” stelp­um með blásið hár og naglalakk er Boll­inn full­ur.“

Frétt af mbl.is

Áslaug svarar Bolla í 17: „Bollinn fullur“

Einn eftirsóttasti hárblásari heims

Í kjölfarið birti hún myndband af sér þar sem hún var að blása á sér hárið, en til þess notaði hún hinn fræga Dyson-hárblásara sem hefur slegið rækilega í gegn um allan heim. Hann þykir mikil bylting í hármótunarbransanum þar sem hann bæði þurrkar og stíliserar hárið á sama tíma. 

Með hárblásaranum fylgja svo ýmsir aukahlutir, en hann er einnig með mismunandi hraðastillingar og hitastillingar, þar á meðal kalt loft sem á að fara mun betur með hárið. Hér á Íslandi fæst hárblásarinn í verslunum Elko og hjá Heimilistækjum og kostar 109.995 krónur.

Áslaug Arna birti myndband af sér með Dyson-hárblásarann á Instagram. Skjáskot/Instagram

Tengdar fréttir

Hárið

Fríða Rut ósátt með að Krónan flytji inn vörur ætlaðar fagaðilum

• Kominn aftur í hárbransann eftir tveggja ára hlé
• Best að setja í sig rúllur og drekka einn gin og tónik
• Helga deilir bestu förðunar- og hártrixum sínum fyrir flug
• Er Agnes í öðru eða fjórða veldi

» Fleiri tengdar fréttir

• Blogga um frétt