Emmy-verðlaunahátíðin fór fram í Los Angeles í nótt og rauði dregillinn var stjörnum prýddur. Mikill glamúr einkenndi fataval eins og oft áður og voru það ekki einungis kjólar sem stóðu upp úr.

Meryl Streep valdi sér ljósbleika dragt og skyrtu í sama lit undir. Rita Ora var í sama bleika litnum en í bleikum kjól og með áberandi sjal úr bleikum fjöðrum. Ayo Edibiri klæddist kjól frá Resort-línu Bottega Veneta fyrir árið 2025 sem klæddi leikkonuna mjög vel.