Góður maskari er vandfundinn. Sumir halda sig alltaf við þann sama en aðrir eru duglegri að breyta til. Þó að svartur maskari sé langalgengastur er samt gaman að prófa sig áfram með aðra liti eins og brúnan eða jafnvel fjólubláan. 

Saga Sigurðardóttir ljósmyndari

„Er að nota Chanel-maskara í litnum „Amé­thyste“. Hann er með djúpfjólubláum lit og er úr nýrri línu Chanel sem er innblásin af tarotspilum sem fundust í íbúð Coco Chanel í París. Mér finnst maskararnir frá Chanel góðir því þeir gefa náttúrulegt útlit.“

Saga Sigurðardóttir ljósmyndari er óhrædd við litaða maskara. Ljósmynd/Úr einkasafni

Maskari í djúpfjálubláum lit er heillandi.

Maskari frá Chanel í litnum Améthyste.

Andrea Magnúsdóttir fatahönnuður

„Ég nota Panorama frá L'Oréal. Hann er léttur en þykkir og lengir. Ég nota oftast svartan en finnst brúni líka flottur þegar ég vil hafa léttari hversdagsförðun. Ég nota Sweed Eyelash Serum á kvöldin en það er serum sem lengir augnhárin, elska það.“

Andrea Magnúsdóttir fatahönnuður notar augnháraserum og finnst það mikilvægt.

Panorama-maskari frá L'Oreal.

Augnháraserum frá Sweed.

Karin Kristjana Hindborg, eigandi snyrtivöruverslunarinnar Nola

„Ég nota alltaf Limitless Lash-maskara frá ILIA Beauty því hann er besti maskari sem ég hef prófað. Ég hef prófað ófáa. En ég hef notað hann í sjö ár og hann hefur fengið fullt af verðlaunum. Hann lengir, aðgreinir, krullar og heldur augnhárunum þannig allan daginn án þess að síga. Smitar aldrei eða molnar og ekkert mál að þrífa af. Maskarinn er án óæskilegra innihaldsefna og án nikkels og hentar því viðkvæmum augum.“

Uppáhaldsmaskari Karinar, eiganda snyrtivöruverslunarinnar Nola, hentar viðkvæmum augum. Ljósmynd/Íris Dögg Einarsdóttir

Limitless Lash-maskari frá Ilia.

Ingunn Sigurðardóttir, eigandi Reykjavík Makeup School, HI Beauty og Chilli in June

„Ég skiptist svolítið á með maskara en sá sem er í algjöru uppáhaldi þessa stundina er L'Oréal Panorama. Maskarinn þéttir rót augnháranna og nær hverju einasta augnhári. Ég hef farið með þennan maskara út í óveður og í ræktina og hann haggast ekki. Svo finnst mér líka must að eiga einn góðan brúnan maskara, fyrir dagana sem ég vil aðeins léttara lúkk. Þá er YSL Lash Clash í uppáhaldi.“

Ingunn Sigurðardóttir, eigandi Reykjavík Makeup School, HI Beauty og Chilli in June, notar brúnan maskara af og til. Ljósmynd/Arnór Traustason

Lash Clash-maskari frá Yves Saint Laurent.

Tengdar fréttir

Förðunartrix

Helga deilir bestu förðunar- og hártrixum sínum fyrir flug

• 10 hlutir sem eru ómissandi fyrir sólarlandaferðina
• „Ég var byrjuð að mála mig um leið og ég mátti það“
• Hvort ætlar þú að vera eins og Lopez eða Bieber í sumar?
• Vörurnar sem eru alltaf í snyrtibuddu Sabrinu Carpenter

» Fleiri tengdar fréttir

Snyrtivörur

Íslensk húðvörumerki opnaði fegurðar læknastofu í Lundúnum

• Geisluðu af þokka og yngdu sig upp
• Bestu augnkremin í kuldanum
• Íslensk snyrtivara hlýtur virt verðlaun
• Fögnuðu í bongóblíðu á þaksvölum

» Fleiri tengdar fréttir

Förðunarráð

Svona frískarðu upp á andlitið í myrkrinu

• Laufey vakti athygli á rauða dreglinum
• „Í sköpun minni dansa ég á línunni milli listar og hönnunar“
• Íslenskt apótek vekur heimsathygli
• „Ég var ekkert að grínast með að vera snyrtipinni“

» Fleiri tengdar fréttir