Lífsstílsdrottningin Martha Stewart mætti sú glæsilegasta á forsýningu Netflix-heimildarmyndarinnar Martha á dögunum. Stewart klæddist silfurlituðum buxum sem eru strax komnar á lista yfir þær flíkur sem verða fullkomnar og mikið notaðar yfir hátíðarnar.

Stewart klæddist buxunum við pastelfjólubláan jakka og við silfurlitaða skó. Helstu kostirnir eru þeir að silfurlitaðar buxur passa við margt og þær má klæða upp og niður. Einnig þarf ekki að bæta mörgu við dressið þegar silfurlitaðar buxur eru annars vegar, ljós toppur og svartur dragtarjakki kemur þér úr vinnunni og í kokteilboðið.