Björn Skúlason fékk skóstuðning úr óvæntri átt
Setja bókamerki
Samtök atvinnulífsins efndu til kosningafundar með formönnum flokka í gær þar sem reynt var að varpa ljósi á framtíðarsýn atvinnulífsins og áherslur ólíkra flokka. Það var þó ekki bara rætt um verðbólgu og verðbólguspá því klæðaburður Björns Skúlasonar eiginmanns Höllu Tómasdóttur forseta Íslands bar á góma. Var þá sérstaklega rætt hvort Björn hafi mátt mæta í brúnum skóm þegar hann hitti Friðrik Danakonung og Mary Danadrottningu í opinberri heimsókn forsetahjónanna til Kaupmannahafnar á dögunum.
Gestir á kosningafundinum voru sammála um að brúnir skór væru málið og í raun betri en svartir. Gantaðist Ísak Ernir Rúnarsson forstöðumaður hjá SA um að þetta væri ótvíræð stuðningsyfirlýsing við forsetagæjann Björn.
Það getur vel verið að gestum í Grósku hafi fundist þetta í lagi en samkvæmt erlendum hefðum þá er alger afleikur að klæðast brúnum skóm þegar virðulegt fólk hittist. Hjörvar Hafliðason hlaðvarpsstjarna í hlaðvarpinu Dr. Football nefndi í þætti sínum að Björn Skúlason hefði stolið stílnum af íslenska karlalandsliðinu í fótbolta árið 2016 þegar allir og amma þeirra klæddust dökkbláum jakkafötum við brúna skó.
Flestir vildu fara með Þorgerði á eyðieyju
Það var fleira rætt á þessum hressilega kosningafundi Samtaka atvinnulífsins því þar var salurinn spurður að því með hverjum fólk vildi festast með á eyðieyju. Þar skoraði Þorgerður Katrín Gunnarsdóttir formaður Viðreisnar flest stig og í öðru sæti var Bjarni Benediktsson formaður Sjálfstæðisflokksins.
Hægt er að horfa á fundinn hér fyrir neðan:
Rannsókn á menningarnæturmáli lokið
Verkfalli lækna aflýst á síðustu stundu
Formaðurinn útilokar ekki undirritun í kvöld
Íslensk kona handtekin á Tenerife eftir líkamsárás
Unnið að hraunkælingu allan sólarhringinn
Vilja 20 ára dóm í frönsku nauðgunarmáli
Vöruflutningavél brotlenti í Litháen
Fæðuöryggi: „Áttum mat í þrjár vikur“
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál
lýtalæknir svarar spurningum lesenda