Það er mikið úrval af rakakremum sem gefa húðinni aukinn ljóma ef þörf er á því. Rose Radiance-kremið frá Clarins gerir einmitt það en formúlan sléttir, eykur ljóma og jafnar húðtóninn. Varaolían frá sama merki hefur verið vinsæl síðustu ár og hægt að fá hana í formi varasalva með lit í sem hressir upp á andlitið í skammdeginu.

Fyrir förðun dagsdaglega er gott að hafa í huga að annaðhvort leggja áherslu á varir eða augu. Svo má auðvitað bæta í fyrir dramatískara útlit við fínu tilefnin.