Matthieu Blazy hefur verið ráðinn listrænn stjórnandi franska tískuhússins Chanel. Hann mun bera ábyrgð á öllum Haute Couture-línum tískuhússins sem innihalda fatnað, fylgihluti og allt það helsta. Blazy mun hafa aðsetur í París og mun heyra undir Bruno Pavlovsky æðsta yfirmann Chanel. Hann hefur störf í apríl 2025.

„Ég er himinlifandi og það er heiður að fá að ganga til liðs við hið frábæra „House of Chanel“. Ég hlakka til að hitta samstarfsfólk mitt svo við getum farið að skrifa söguna saman,“ segir Blazy í fréttatilkynningu sem tískuhúsið sendi út í gærkvöldi. 

„Ég er ánægður með að bjóða Matthieu Blazy velkominn. Ég er sannfærður um að hann mun geta leikið sér með arfleifð hússins,“ segir Bruno Pavlovsky og bætir því við að Blazy búi yfir djörfum persónuleika og sé nýstárlegur í hugsun.

En hver er þessi Matthieu Blazy?

Hann er fæddur í París árið 1984 og er fransk-belgískur. Hann lærði í La Cambre í Brussel. Ferill hans hófst hjá herrahönnuðinum Raf Simons en þaðan lá leið hans til Maison Margiela. Hann hefur starfað fyrir Céline, Calvin Klein og Bottega Veneta.  

Tískuáhugafólki er vissulega létt því franska tískuhúsið hefur verið án listræns stjórnanda síðan Virginie Viard hætti sem listrænn stjórnandi Chanel fyrr á þessu ári. 

Tengdar fréttir

Berglind Berndsen breytir íbúð í Vindakór

Ekki rústa öllu áður en þú flytur inn

• Svona lítur íbúðin við Holtsveg út
• Hvernig ganga framkvæmdir á Holtsvegi?
• Berglind og Helga hanna íbúð frá grunni
• Svona lítur Vindakór út - íbúðin tilbúin

» Fleiri tengdar fréttir

• Blogga um frétt