Segja upp 70 vegna erfiðs rekstrarumhverfis

Chanel er talið eitt stærsta lúxusmerki í heimi.
Chanel er talið eitt stærsta lúxusmerki í heimi. Ljósmynd/Chanel

Sjö­tíu manns hef­ur verið sagt upp hjá franska há­tísku- og snyrti­vöru­hús­inu Chanel í Banda­ríkj­un­um vegna erfiðs rekstr­ar­um­hverf­is. Fyr­ir­tækið hef­ur tekið nokk­ur skref í átt­ina til að minnka út­gjöld og tak­ast á við áskor­an­ir í rekstr­in­um.

Chanel hef­ur ávallt verið talið eitt stærsta lúxusmerki í heimi þar sem það sinn­ir stór­rík­um viðskipta­vin­um sem geta eytt meira en einni millj­ón króna í leðurtösku. Eft­ir heims­far­ald­ur­inn hef­ur þó verið minni eft­ir­spurn í slíka lúxusvöru.

Norður- og Suður-Am­er­íka er þó enn einn stærsti markaður fyr­ir­tæk­is­ins og átti 20% hlut af allri sölu á ár­inu 2023. Evr­ópa átti 28% hlut og Asía 52%.

Nýr list­rænn stjórn­andi

Matt­hieu Blazy var ráðinn list­rænn stjórn­andi franska tísku­húss­ins Chanel í des­em­ber á síðasta ári. Hann mun bera ábyrgð á öll­um Haute Cout­ure-lín­um tísku­húss­ins sem inni­halda fatnað, fylgi­hluti og allt það helsta. Blazy mun hafa aðset­ur í Par­ís og mun heyra und­ir Bruno Pavlov­sky æðsta yf­ir­mann Chanel. Hann hef­ur störf í apríl 2025.

BOF

mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

endurskoðandi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál

lýtalæknir svarar spurningum lesenda