Grammy-verðlaunahátíðin fór fram í 67. sinn í Los Angeles í Bandaríkjunum í gærkvöldi. Það er ávallt mikil eftirvænting eftir því hverju stjörnurnar klæðast og flestir tískumiðlar heims fylgjast vel með.

Ástralska fyrirsætan Bianca Censori, kærasta rapparans og listamannsins Kanye West, virðist þó hafa gleymt fötunum heima. Parið gekk rauða dregilinn hlið við hlið og fyrst um sinn var Censori klædd í síðan svartan pels. Þegar ljósmyndarar tóku að mynda þau lét hún pelsinn falla til jarðar og undir honum var hún aðeins klædd í gegnsætt, þunnt mesh-efni sem skildi lítið eftir fyrir ímyndunaraflið. Censori stóð eftir nánast kviknakin. Atvikið hefur vakið mikla athygli á samfélags- og fréttamiðlum víða um heim.

Censori hefur verið þekkt fyrir að ögra með fatastílnum og klæðist oft mjög efnislitlum fatnaði. West var klæddur í svartan stuttermabol, svartar buxur, með sólgleraugu og í svörtum skóm.

Rétt eftir að Censori losaði sig við pelsinn. Frazer Harrison/AFP

Tengdar fréttir

Fatastíllinn

Ætlarðu að verja helginni inni?

• Sýning 66° Norður í Kaupmannahöfn vakti mikla athygli
• Áslaug Arna klæddist sjö ára gamalli útsöludragt
• Telur franska krúttstílinn verða áberandi
• Bolirnir sem Kristrún Frostadóttir myndi elska

» Fleiri tengdar fréttir

Rauði dregillinn

Zellweger og Grant glæsileg á bleika dreglinum

• Ofurkonan eldist ekki
• Gekk rauða dregilinn eftir langt hlé
• Embla Wigum skein skært á rauða dreglinum
• Stílisti Demi Moore ljóstrar upp leyndarmálum

» Fleiri tengdar fréttir

• Blogga um frétt