Atli Guðnason tryggði FH sigur á Fram

Atli Guðnason skoraði eina mark leiksins þegar FH vann Fram, 1:0, í Pepsi-deild karla í fótbolta í Kaplakrika í kvöld.

Leikurinn var lítið fyrir augað og var ekki mikið um marktækifæri. Halldór Hermann Jónsson komst næst því að skora í fyrri hálfleik en hann skaut framhjá úr fínu færi.

Í seinni hálfleik voru það FH-ingar sem sköpuðu sér betri færi og sjö mínútum fyrir leikslok tókst Atla Guðnasyni að skora sigurmarkið með skoti í teignum eftir fyrirgjöf Guðjóns Árna Antoníussonar.

Framarar reyndu hvað þeir gátu að jafna metin undir lokin en heimamenn héldu fengnum hlut og innbyrtu góðan sigur, 1:0.

Nánari umfjöllun um leikinn verður í Morgunblaðinu á morgun en mynbandsviðtöl koma inn á mbl.is seinna í kvöld.

Byrjunarlið FH: Gunnleifur Gunnleifsson (M), Guðjón Árni Antoníusson, Freyr Bjarnason, Guðmann Þórisson, Viktor  Örn Guðmundsson; Pétur Viðarsson, Bjarki Gunnlaugsson, Björn Daníel Sverrisson; Ólafur Páll Snorrason, Atli Guðnason,  Atli Viðar Björnsson.
Varamenn: Róbert Örn Óskarsson  (M), Emil Pálsson, Jón Ragnar Jónsson, Einar Karl Ingvarsson, Hafþór Þrastarson, Brynjar Ásgeir Guðmundsson, Ingimar Elí Hlynsson.

Byrjunarlið Fram: Ögmundur Kristinsson (M), Almarr Ormarsson, Alan Lowing, Kristján Hauksson, Sam Tillen; Jón Gunnar Eysteinsson, Halldór Hermann Jónsson, Sam Hewson; Hólmbert  Aron Friðjónsson, Orri Gunnarsson; Steve Lennon.
Varamenn:  Denis  Cardaklija (M), Kristinn Ingi Halldórsson, Daði Guðmundsson, Ásgeir Gunnar Ásgeirsson, Sveinbjörn  Jónasson,  Gunnar Oddgeir Birgisson,  Stefán Birgir Jóhannesson.

FH	1:0	Fram	Opna lýsingu Loka
90. mín. Uppbótartími í gangi.
Augnablik — sæki gögn...

• Blogga um frétt