Pálína samdi við Grindavík

Pálína María Gunnlaugsdóttir hefur samið við Grindavík til næstu tveggja ára og mun því mæta gulklædd til leiks í Dominosdeildinni í körfuknattleik á komandi leiktíð.

Þetta kemur fram á karfan.is. Pálína átti frábært tímabil með meistaraliði Keflavíkur sem vann alla stóru titlana á nýafstaðinni leiktíð, og var meðal annars kjörin besti leikmaður og besti varnarmaður Dominosdeildarinnar í vor, en hún ákvað í kjölfarið að söðla um.

Í tilkynningu frá stjórn körfuknattleiksdeildar Grindavíkur segir að miklar vonir séu bundnar við Pálínu, ekki bara vegna gæða hennar sem leikmanns heldur líka vegna óseðjandi þrár til að vinna titla.

• Blogga um frétt