Íþróttir | Íslenski fótboltinn | mbl | 19.9.2013 | 18:50 | Uppfært 19:24

Blikar frestuðu meistarafögnuði KR

Mynd 1 af 2 Leikmenn Breiðabliks fagna einu markanna gegn KR í kvöld. mbl.is/Ómar

Mynd 2 af 2 Árni Vilhjálmsson úr Breiðabliki og Gunnar Þór Gunnarsson úr KR eigast við á Kópavogsvelli í dag. mbl.is/Ómar

Breiðablik frestaði Íslandsmeistaratitli KR-inga með því að vinna góðan 3:0 sigur á meistaraefnunum úr vesturbæ Reykjavíkur. Blikarnir eygja þar með enn möguleika á að ná Evrópusæti.

Ellert Hreinsson skoraði eina mark fyrri hálfleiksins en það kom strax á 8. mínútu leiksins. Heimamenn bættu svo við tveimur mörkum á lokakaflanum og voru Árni Vilhjálmsson og Guðjón Pétur Lýðsson þar að verki.

KR er í toppsætinu með 46 stig, FH er með 41 og Stjarnan 40 en KR-ingar eiga leik til góða. Breiðablik er í fjórða sætinu með 36 stig.

KR fær nú tækifæri til að tryggja sér titilinn á Hlíðarenda á sunnudaginn þegar liðið leikur þar við Valsmenn. Um leið mæst Stjarnan og Breiðablik og það er orðinn lykilleikur í baráttu liðanna um Evrópusæti.