Úti er ævintýri. Íslenska landsliðið verður ekki á meðal þátttökuþjóða á HM í Brasilíu næsta sumar. Það varð ljóst á Maksimir-vellinum í Zagreb í gær þar sem Króatar hrósuðu 2:0 sigri. Íslendingar mættu einfaldlega ofjörlum sínum og geta í raun þakkað Hannesi Þór Halldórssyni fyrir að hafa ekki tapað stærra. Strákarnir okkar spiluðu einfaldlega sinn lélegasta leik í háa herrans tíð og sá leikur gat ekki komið á verri tíma.

Hetjulegri framgöngu Íslands í undankeppni heimsmeistaramótsins lauk þar með og þrátt fyrir niðurstöðuna er ekki hægt annað en að hrósa liðinu og það má með sanni segja að það hafi fallið með sæmd.

Leikplan Króatanna fyrir leikinn var að blása til sóknar frá fyrstu mínútu og það gerðu þeir svo sannarlega. Það var snemma ljóst í hvað stefndi. Króatarnir náðu undirtökunum um leið og frábær hollenskur dómari flautaði leikinn á og íslensku strákarnir áttu á brattann að sækja.

Sjá nánar ítarlega umfjöllun um leikinn í máli og myndum í 8 síðna íþróttablaði Morgunblaðsins í dag.

Tengdar fréttir

Ísland-Króatía

Tuttugu þúsund þakka Eiði

• Fasistafögnuður Simunic - Myndband
• Lagerbäck sá besti sem ekki fer á HM
• „Leikurinn fer eitt-eitt!“
• Kovacic: Eigum allir skilið bjór frá Íslandi

» Fleiri tengdar fréttir