„Þetta er slæm tilfinning. Við náðum okkur alls ekki á strik, vorum langt frá okkar besta leik og erum vitanlega afar vonsviknir með það,“ sagði Gylfi Sigurðsson, landsliðsmaður í knattspyrnu, eftir 2:0 tap í síðari umspilsleiknum við Króata í undankeppni heimsmeistaramótsins í knattspyrnu á Makismir-leikavangi í Zagreb í gærkvöldi.

„Við verðum að taka það úr þessum leik að við komumst svo langt og það er lærdómur fyrir framtíðina. Það var leiðinlegt að komast ekki alla leið,“ sagði Gylfi sem náði sér alls ekki á strik eins og flestir leikmanna íslenska landsliðsins.

„Króatar voru miklu ákveðnari en við og voru sterkari fyrstu 35 mínúturnar. Þeir skora eitt mark og um leið og þeir bæta við öðru snemma í síðari hálfleik þá verður þetta enn erfiðara hjá okkur,“ sagði Gylfi sem var niðurlútur eins aðrir leikmenn íslenska landsliðsins eftir leikinn, vitandi að flestir þeirra hefðu og áttu að geta gert betur.

Sjá nánar viðtöl, umfjöllun og myndir frá leiknum í Króatíu í 8 síðna íþróttablaði Morgunblaðsins í dag.

Tengdar fréttir

Ísland-Króatía

Tuttugu þúsund þakka Eiði

• Fasistafögnuður Simunic - Myndband
• Lagerbäck sá besti sem ekki fer á HM
• „Leikurinn fer eitt-eitt!“
• Kovacic: Eigum allir skilið bjór frá Íslandi

» Fleiri tengdar fréttir