Loic Ondo farinn austur á firði

Loic Mbang Ondo hef­ur gengið til liðs við Fjarðabyggð og mun leika með liðinu í In­kasso-deild­inni í sum­ar.

Ondo hef­ur leikið hér á landi frá ár­inu 2010 þegar hann gekk til liðs við Grinda­vík og spilaði sautján leiki með liðinu í Pepsi-deild­inni það ár. Hann fór í eitt ár til BÍ/​Bol­ung­ar­vík­ur áður en hann kom aft­ur til Grinda­vík­ur, en sneri svo end­an­lega aft­ur vest­ur og hef­ur leikið með liðinu síðustu þrjú ár.

Ondo, sem er frá Ga­bon, skoraði þrjú mörk í 21 leik fyr­ir BÍ/​Bol­ung­ar­vík í 1. deild­inni í fyrra en alls á hann að baki 113 leiki í deild og bik­ar hér á landi og skorað í þeim sjö mörk.

Hann er yngri bróðir Gil­les Mbang Ondo sem lék í fram­línu Grinda­vík­ur 2008-2011, en spil­ar nú með Al-Nahda í Óman.

• Blogga um frétt