„Ég er ennþá að reyna að átta mig,“ sagði Berg­lind Hrund Jón­as­dótt­ir, markvörður nýkrýndra Íslands­meist­ara Stjörn­unn­ar, í sam­tali við mbl.is eft­ir að liðið varð meist­ari með 4:0-sigri á FH í lokaum­ferð Pepsi-deild­ar kvenna í knatt­spyrnu í dag.

Sjá frétt mbl.is: Stjarn­an Íslands­meist­ari í fjórða sinn

„Þetta er al­veg geggjað, mér finnst eins og tíma­bilið sé ekki búið. Ég er ennþá að reyna að átta mig á þessu. Þetta er sturlun,“ sagði Berg­lind og vissi vart í hvorn fót­inn hún ætti að stíga fyr­ir kæti. Hún var að spila sitt fyrsta tíma­bil sem aðal­markvörður liðsins eft­ir að hafa fengið traustið í vor með brott­hvarfi Söndru Sig­urðardótt­ur. Hvernig er að upp­skera svona?

„Þetta er svona þrjúhundruð sinn­um skemmti­legra en að vera á bekkn­um og fagna titl­in­um þannig. Það er geggjað að vera svona stórt hlut­verk í svona geggjuðum hóp,“ sagði Berg­lind og sparaði ekki áhersl­urn­ar á lýs­ing­ar­orðunum. Hún, eins og fleiri leik­menn Stjörn­unn­ar, töluðu mikið um liðsheild­ina í hópn­um.

„Liðsheild­in er al­veg mögnuð, flest­ar bún­ar að vera eitt­hvað meidd­ar í sum­ar og hafa misst af leikj­um. En það skipt­ir engu máli hvað þú heit­ir, bara kem­ur inn og stend­ur þig,“ sagði Berg­lind og svaraði að bragði þegar blaðamaður spurði hana um fögnuðinn framund­an í kvöld.

„Eins og Elli mark­mannsþjálf­ari seg­ir: Stóri Sum­mers­by-dag­ur­inn!“ sagði Berg­lind Hrund him­insæl við mbl.is, en hún er yngsti markvörður­inn sem verður Íslands­meist­ari í tólf ár.

Tengd­ar frétt­ir

Stjarn­an Íslands­meist­ari 2016

„Ég er svo þakk­lát“

• „Ég er al­veg gríðarlega stolt“
• „Þetta er draum­ur að ræt­ast“
• Þetta ger­ist ekki betra
• Liðsheild­in er gríðarlega sterk

» Fleiri tengd­ar frétt­ir

• Blogga um frétt