„Þetta hef­ur verið smá rúss­íbani fyr­ir mig í sum­ar, ég viður­kenni það al­veg,“ sagði marka­drottn­ing­in Harpa Þor­steins­dótt­ir, leikmaður Íslands­meist­ara Stjörn­unn­ar, þegar Morg­un­blaðið tók hana tali eft­ir að Garðbæ­ing­ar höfðu tryggt sér sinn fjórða Íslands­meist­ara­titil á sex árum með sigri á FH, 4:0, í lokaum­ferð deild­ar­inn­ar í gær.

Áður en Íslands­meist­ara­bik­ar­inn fór á loft fékk Harpa sjálf tvær viður­kenn­ing­ar; ann­ars veg­ar sem besti leikmaður deild­ar­inn­ar eft­ir kosn­ingu leik­manna og svo sem marka­hæsti leikmaður­inn með tutt­ugu mörk í sex­tán leikj­um. Þetta er jafn­framt í þriðja sinn á síðustu fjór­um árum sem Harpa fær þess­ar viður­kenn­ing­ar.

„Þetta er bara fá­rán­legt eig­in­lega. Fyr­ir fjór­um árum hefði ég ekki trúað þessu. Ég er svo þakk­lát, en þetta eru verðlaun fyr­ir liðið líka. Þegar liðið spil­ar svona þá nýt ég góðs af því. Að Stjarn­an sé að skila inn svona mörg­um verðlaun­um á þess­um fáu árum er eig­in­lega bara ótrú­legt,“ sagði Harpa.

Sjá viðtal við Hörpu í heild í íþrótta­blaði Morg­un­blaðsins í dag.

Tengd­ar frétt­ir

Stjarn­an Íslands­meist­ari 2016

„Ég er al­veg gríðarlega stolt“

• „Þetta er draum­ur að ræt­ast“
• Þetta ger­ist ekki betra
• Þrjúhundruð sinn­um skemmti­legra en að fagna af bekkn­um
• Liðsheild­in er gríðarlega sterk

» Fleiri tengd­ar frétt­ir