Íslenska karlalandsliðið í knattspyrnu hefur áður leikið mótsleik þar sem ítalski dómarinn Gianluca Rocchi dæmir, en hann verður með flautuna þegar Ísland mætir Króatíu í undankeppni HM í Zagreb á laugardaginn kl. 17.

Rocchi, sem er 43 ára, hefur dæmt um árabil í ítölsku A-deildinni og dæmdi sinn fyrsta landsleik í apríl 2009.

Rocchi dæmdi leik Íslands gegn Tyrklandi í Konya fyrir rúmu ári, í lokaumferð undankeppni EM. Ísland hafði þegar tryggt sér sæti á EM en Tyrkir náðu einnig sæti með dísætum 1:0-sigri, þar sem Selcuk Inan skoraði sigurmarkið úr aukaspyrnu rétt fyrir leikslok. Íslendingar voru afar óánægðir með að aukaspyrnan skyldi dæmd en Rocchi hafði talið Kára Árnason brotlegan í skallaeinvígi rétt utan teigs. Ekki er þó hægt að segja að Rocchi hafi dregið taum Tyrkja sérstaklega í leiknum en hann sýndi til að mynda Gökhan Töre beint rautt spjald korteri fyrir leikslok.

Tengdar fréttir

Króatía - Ísland

Aldrei auðvelt að spila á móti Íslandi

• Getum unnið þá heima
• Verðum að sækja stigin annað
• „Þeir hafa sannarlega tekið framförum frá því síðast“
• Þeir eru ekkert betra lið en við

» Fleiri tengdar fréttir

• Blogga um frétt