Ante Casic, landsliðsþjálfari Króata í knattspyrnu, sagði eftir 2:0 sigur liðsins á Íslandi í kvöld í undankeppni HM að ekkert lið mundi fara auðveldlega í gegnum íslenska landsliðið í knattspyrnu.

„Við gerðum mikið af mistökum og vorum ekki nægilega rólegir undir lokin. Stundum vorum við of langt frá þeim á miðjunni. En í heild vorum við betri. Ísland hefur þó sýnt að það er aldrei auðvelt að spila á móti því,“ sagði Casic við króatíska fjölmiðla í kvöld.

Casic sagði enn fremur að liðið hefði ætlað sér að komast á topp I-riðils í kvöld, það hafi verið þeirra markmið sem hefði tekist við erfiðar vallaraðstæður og án stuðnings áhorfenda.

Staðan í riðlin­um (marka­tala):

Króatía   10 stig (+9)
Úkraína    8 stig (+4)
Ísland      7 stig (+1)
Tyrk­land  5 stig (  0)
Finn­land  1 stig ( -3)
Kósóvó    1 stig (-11)

Tengdar fréttir

Króatía - Ísland

Getum unnið þá heima

• Verðum að sækja stigin annað
• „Þeir hafa sannarlega tekið framförum frá því síðast“
• Þeir eru ekkert betra lið en við
• Öðruvísi að hafa ekki framherja með sér

» Fleiri tengdar fréttir

• Blogga um frétt