Eins og ítarlega hefur verið greint frá hér á mbl.is birti KA yfirlýsingu á heimasíðu sinni um að endurnýja ekki samning við Þór um samstarf á sviði knattspyrnu og handknattleiks í kvennaflokki.
Málið hefur verið hávært á Akureyri og ýmislegt látið flakka. Leikmenn meistaraflokks Þórs/KA í knattspyrnu segjast til að mynda hafa skrifað undir viljayfirlýsingu um áframhaldandi samstarf og hafa margar þeirra lýst yfir þungum áhyggjum af stöðu kvennaknattspyrnu á Akureyri í kjölfarið.
Til að undirstrika það gengur nú á Facebook mynd sem er eins konar viljayfirlýsing um áframhaldandi samstarf félaganna, og hafa einhverjir leikmenn meðal annars sett hana sem forsíðumynd sína á samskiptamiðlinum.
„Ég styð áframhaldandi samstarf Þórs og KA í kvennaknattspyrnu vegna þess að saman erum við sterkari! Áfram Þór/KA!“ stendur yfir myndinni af merki liðsins sem má sjá neðst í fréttinni.
Sjá fyrri fréttir mbl.is:
Undrast vinnubrögð KA: „Kom eins og sleggja“
Vill ekki þjálfa lengur hjá KA - „Særði mig mikið“
„Ekki viss um að ég verði KA stelpa áfram“
Yfirlýsing KA ætti ekki að hafa áhrif á Akureyri
Hallar á KA/Þór í samstarfinu - „Erum með KA-hjarta“
Þór/KA saman í sumar – Farið í hart yfir peningamálum?