Hrafnhildur aftur í Selfoss

Hrafnhildur Hauksdóttir er gengin í raðir knattspyrnuliðs Selfoss á nýjan leik, en hún var lánuð til félagsins frá Val. Hrafnhildur er 22 ára vinstri bakvörður. 

Hrafnhildur lék á sínum tíma 68 leiki fyrir Selfoss og þekkir því afar vel til félagsins. Hún lék með Valskonum síðasta sumar, en kom ekkert við sögu í fyrstu tveimur umferðunum í ár. 

Hún lék 12 leiki með Val á síðustu leiktíð og á hún fjóra A-landsleiki að baki, tvo vináttuleiki og tvo leiki á Algarve-mótinu fyrir tveimur árum. 

• Blogga um frétt