„Við vorum grimmir og grófir“

„Við vor­um yfir í bar­átt­unni, all­an leik­inn og mér fannst þeir aldrei ógna okk­ar marki fyrr en kannski rétt í lok­in, sagði Bald­ur Sig­urðsson, fyr­irliði Stjörn­unn­ar eft­ir 1:0 sig­ur liðsins á Breiðabliki í 7. um­ferð Pepsi-deild­ar karla í knatt­spyrnu í kvöld.

„Það var í raun bara klaufa­skap­ur hjá okk­ur að vera ekki bún­ir að klára leik­inn fyrr en heilt yfir er ég bara hrika­lega sátt­ur með spila­mennsku okk­ar í dag. Við mætt­um til leiks frá fyrstu mín­útu gegn mjög öfl­ugu Blikaliði og all­ir leik­menn liðsins eiga stórt hrós skilið. Við vor­um grimm­ir og gróf­ir og feng­um nokk­ur spjöld þarna í byrj­un. Þeir eru með mjög tekn­íska leik­menn inn­an sinna raða og við þurft­um að taka fast á þeim til þess að ná þeim úr jafn­vægi og það tókst í kvöld.“

Stjarn­an spilaði leik­k­erfið 4-4-2 í kvöld og átti svör við öll­um sókn­araðgerðum Blika sem virkuðu oft á tíðum ringlaðir í leikn­um.

„Það er búið að vera mikið leikja­álag að und­an­förnu en vinnu­fram­lagið í dag var til fyr­ir­mynd­ar. Við vor­um öfl­ug­ir að loka á þá og við mætt­um til leiks með gott hug­ar­far. Þetta hef­ur verið á mik­illi upp­leið eft­ir Vals­leik­inn og það er góður stíg­andi í þessu hjá okk­ur og ég er mjög bjart­sýnn með fram­haldið,“ sagði fyr­irliðinn að lok­um.

• Blogga um frétt