Vængir Júpíters í Meistaradeild

Væng­ir Júpíters úr Grafar­vogi, sem leika í 3. deild karla í knatt­spyrnu, verða  full­trú­ar Íslands í Meist­ara­deild Evr­ópu í inni­fót­bolta og spila í und­anriðli í Svíþjóð síðar í sum­ar.

Væng­ir Júpíters urðu Íslands­meist­ar­ar í inni­fót­bolta í vet­ur og fengu þar með keppn­is­rétt í for­keppni Meist­ara­deild­ar­inn­ar. Dregið í riðla fyr­ir for­keppn­ina nú í há­deg­inu.

Grafar­vogsliðið er í riðli með Leo Fut­sal Club frá Armen­íu, Uddevalla frá Svíþjóð og Celik frá Svart­fjalla­landi. Riðill­inn verður leik­inn í Uddevalla í Svíþjóð dag­ana 28. ág­úst til 2. sept­em­ber og sig­ur­veg­ari riðils­ins kemst í aðal­keppn­ina.

Lið Vængj­anna komst upp úr 4. deild­inni ut­an­húss fyr­ir tveim­ur árum og spil­ar sitt annað ár í 3. deild. Liðið er að mestu skipað upp­öld­um Fjöln­ismönn­um.

• Blogga um frétt