Fylkir stefnir á Valsleikinn í Lautinni

Knatt­spyrnu­deild Fylk­is stefn­ir að því að næsti heima­leik­ur liðsins gegn Val í Pepsi-deild­inni, 30. júlí næst­kom­andi, verði spilaður á heima­velli fé­lags­ins í Laut­inni í Árbæn­um en þetta staðfesti Hörður Guðjóns­son, fram­kvæmda­stjóri fé­lags­ins, í sam­tali við Morg­un­blaðið í gær.

„Fram­kvæmd­ir eru í full­um gangi og þetta geng­ur mjög vel þessa stund­ina. Við byrj­um að leggja grasmott­una á morg­un (í dag) og það ætti að taka nokkra daga. Leik­ur­inn gegn Val er sett­ur á Fylk­is­völl og stefn­an er sett á að sá leik­ur verði spilaður í Laut­inni. Það gæti hins veg­ar farið svo að hon­um yrði frestað eða að hann yrði færður annað en við bind­um von­ir við það að völl­ur­inn verði klár þegar Íslands­meist­ar­arn­ir koma í heim­sókn.

Þetta ætti að skýr­ast á næstu tveim­ur til þrem­ur dög­um en völl­ur­inn verður orðinn leik­fær í næstu viku reikna ég með,“ sagði Hörður í sam­tali við Morg­un­blaðið í gær.

Fylk­is­menn hafa spilað alla sína leiki í Eg­ils­höll­inni í sum­ar þar sem þeir hafa fengið 9 stig af 15 mögu­leg­um.