Bjarni Ólafur kominn aftur á ferðina með Val

Bjarni Ólafur Eiríksson, einn af lykilmönnum Íslandsmeistaraliðs Vals í knattspyrnu, er byrjaður að æfa með Hlíðarendaliðinu á nýjan leik.

Sigurbjörn Hreiðarsson aðstoðarþjálfari Valsmanna staðfestir í samtali við netmiðilinn 433.is að Bjarni Ólafur sé byrjaður að æfa með liðinu en Bjarni hafði íhugað að leggja skóna á hilluna og hefur ekki æft né spilað með meisturunum á undirbúningstímabilinu.

Bjarni var í viðtali í út­varpsþætti Fót­bolta.net á X-inu á dögunum og þar sagði hann:

„Ég er í fríi sem end­ar mjög lík­lega á því að ég hætti í fót­bolta. Mér finnst frek­ar leiðin­legt þegar menn segj­ast vera hætt­ir og koma svo stuttu seinna og segj­ast ekki vera hætt­ir.

Ég ákvað að segja að ég væri í fríi en það er mjög lík­legt að ég sé hætt­ur í fót­bolta. Ef svo fer að ég hætti þá geng ég mjög sátt­ur frá borði. Þetta er eitt­hvað sem ég hef ákveðið en frá­bært, á þess­um síðustu árum, að ná tveim­ur Íslands­meist­ara­titl­um og tveim­ur bikar­meist­ara­titl­um.“

• Blogga um frétt