Arnór gaf landsliðsbónus í minningarsjóð

Arnór Sigurðsson, landsliðsmaður í knattspyrnu og leikmaður CSKA Moskva í Rússlandi, gaf landsliðsbónus sinn fyrir síðasta landsliðsverkefni í Minningarsjóð Einars Darra.

Samkvæmt tölum frá KSÍ fá landsliðsmenn um 300 þúsund krónur fyrir sigurleik, en Ísland vann Andorra 2:0 á föstudag í undankeppni EM en tapaði svo 4:0 fyrir Frakklandi á mánudag.

„Mér finnst mikilægt að styðja við það góða starf sem verið er að vinna,“ er haft eftir Arnóri en það var vefur Skagafrétta sem greindi fyrst frá.

„Stuðningurinn frá þér er okkur virkilega dýrmætur,“ segir í færslu á Facebook-síðu Minningarsjóðs Einars Darra.

Frétt af mbl.is

Kom þeim algjörlega í opna skjöldu

Frétt af mbl.is

Kom þeim algjörlega í opna skjöldu

• Blogga um frétt