Þeir áttu engin svör

„Við feng­um akkúrat það sem við ætluðum okk­ur út úr þess­um leik,“ sagði Jó­hann­es Karl Guðjóns­son, þjálf­ari ÍA, í sam­tali við mbl.is eft­ir 1:0-sig­ur liðsins gegn Breiðabliki í toppslag 5. um­ferðar úr­vals­deild­ar karla í knatt­spyrnu, Pepsi Max-deild­ar­inn­ar, á Kópa­vogs­velli í kvöld.

Frétt af mbl.is

Flautu­mark í toppslagn­um í Kópa­vogi

„Hlut­irn­ir gengu vel upp hjá okk­ur í kvöld og við vor­um þétt­ir til baka. Að vera þétt­ur til baka gegn liði eins og Breiðabliki þýðir að þú þarft að leggja mikla vinnu á þig í varn­ar­færsl­un­um og strák­arn­ir lögðu mikið á sig til þess að loka á Blikana. Það dug­ar að skora eitt mark þegar þú held­ur mark­inu þínu hreinu og það var hrika­lega ljúft að sjá bolt­ann í net­inu und­ir rest­ina.“

Skaga­menn voru sterk­ari aðil­inn í leikn­um og Blikar áttu fá svör við þétt­um varn­ar­leik Ak­ur­nes­inga.

„Ég held að þeir hafi ekki fengið neitt færi í leikn­um en að sama skapi vor­um við mjög grimm­ir. Við  viss­um það fyr­ir fram að ef við mynd­um loka vel á þá á miðsvæðinu myndu þeir fara í að negla bolt­an­um fyr­ir markið af könt­un­um og við vörðumst því mjög vel. Þegar allt kem­ur til alls höfðu þeir eng­in svör gegn þétt­um varn­ar­leik okk­ar.“

Skaga­menn sitja ein­ir á toppi deild­ar­inn­ar með 13 stig en liðið hef­ur lagt Val, FH og Breiðablik að velli í síðustu þrem­ur leikj­um sín­um.

„Það er erfitt að segja að gengi okk­ar hingað til hafi verið von­um fram­ar. Við vit­um það sjálf­ir að við get­um unnið hvaða lið sem er í deild­inni, þegar allt geng­ur upp hjá okk­ur. Strák­arn­ir hafa trú á því sem við erum að gera og fara alltaf inn í öll verk­efni með það að leiðarljósi að við get­um unnið hvaða and­stæðing sem er og við mun­um halda áfram að taka einn leik fyr­ir í einu,“ sagði Jó­hann­es Karl í sam­tali við mbl.is.

• Blogga um frétt