„Ég þarf smá tíma“

Landsliðsmaður­inn Kol­beinn Sigþórs­son seg­ist þurfa að fá tíma til að koma sín­um knatt­spyrnu­ferli af stað á nýj­an leik. Hann seg­ir að hjá AIK sé hon­um sýnd þol­in­mæði sem sé mik­il­vægt á þess­um tíma­punkti. 

Mbl.is tók Kol­bein tali fyr­ir landsliðsæfingu í Laug­ar­daln­um í morg­un og hljóðið í miðherj­an­um var gott en hann gekk til liðs við AIK í Svíþjóð í apríl. 

„Ég kann bara mjög vel við mig í Svíþjóð. Mér líður vel þar enda er það góður staður að vera á. Nú er út­lit fyr­ir að mér tak­ist að koma mér af stað þarna. Marg­ir leik­ir eru fram und­an og þetta er gott skref fyr­ir mig að fara til AIK til að koma ferl­in­um af stað aft­ur.“

Finn­ur Kol­beinn fyr­ir því að vænt­ing­ar séu gerðar til hans í Svíþjóð í ljósi þess að hann hef­ur spilað fyr­ir stór fé­lög eins og Ajax, Galatas­aray og Nan­tes? 

„Já auðvitað. Bú­ist er við miklu af mér en Sví­arn­ir skilja að ég þarf smá tíma til að kom­ast í mitt besta form. Þeir eru að reyna að byggja mig upp aft­ur sem geng­ur vel þrátt fyr­ir bak­slag fyr­ir þrem­ur vik­um síðan. Nú er ég orðinn heill aft­ur og þarf þá að taka næstu skref fram á við,“ sagði Kol­beinn en um togn­un aft­an í læri var að ræða og var bú­ist við því að hann yrði frá í tvær vik­ur sem urðu þrjár að hans sögn. 

Sví­arn­ir sýna hon­um þá þol­in­mæði sem nauðsyn­leg er fyr­ir leik­mann í hans stöðu.„Já. Þetta er ástæðan fyr­ir því að ég fór til Svíþjóðar. Ég þarf tíma til að ná mér og verð að vera þol­in­móður. Þeir skilja mína stöðu og hvað ég hef gengið í gegn­um varðandi meiðsli,“ sagði Kol­beinn Sigþórs­son við mbl.is. 

• Blogga um frétt