Reiði Tyrkja hélt áfram í Laugardal

Blaðamannafundur fyrir leik Íslands og Tyrklands í undankeppni EM karla í fótbolta var haldinn á Laugardalsvelli í dag. Landsliðsfyrirliðinn Aron Einar Gunnarsson og þjálfarinn Erik Hamrén sátu þá fyrir svörum. 

Frétt af mbl.is

Fúlir Tyrkir herja á Íslendinga á netinu

Eins og mbl.is hefur greint frá voru tyrkneskir stuðningsmenn allt annað en sáttir við móttökurnar sem landsliðið fékk er það lenti í Keflavík í gær.

Við komuna beið þeirra löng bið við öryggishlið og ekki bætti það skap Tyrkjanna að eftir öryggishliðið sést maður ota uppþvotta­bursta í átt að Emre Belözoglu, líkt og um hljóðnema væri að ræða. 

Í kjölfarið varð allt vitlaust á Facebook-síðu KSÍ þar sem stuðningsmenn Tyrkja skrifuðu afar ósmekkleg ummæli. Hamrén vildi ekkert tjá sig um málið á fundinum og Aron Einar gerði það stuttlega. 

Frétt af mbl.is

Tyrkir óhressir í Leifsstöð

Eftir fundinn túlkaði Ómar Smárason, fjölmiðlafulltrúi KSÍ, svör Aron Einars Gunnarssonar á fundinum yfir á ensku og við það var einn tyrkneskur blaðamaður sérstaklega ósáttur.

„Er ekkert þýtt yfir á tyrknesku?" spurði blaðamaðurinn og Ómar svaraði að ekki væri hefð fyrir því hjá KSÍ. „Er þetta af því við erum Tyrkland?" spurði blaðamaðurinn, mjög æstur í kjölfarið. 

Blaðamaðurinn í viðtali við tyrkneska sjónvarpsstöð. mbl.is/Eggert Jóhannesson

• Blogga um frétt