Gylfi og Sara valin enn og aftur

Gylfi Þór Sigurðsson og Sara Björk Gunnarsdóttir eru knattspyrnufólk ársins 2019 hjá KSÍ en það er stór hópur af fyrrverandi landsliðsfólki, þjálfarar og forystumenn í knattspyrnuhreyfingunni sem taka þátt í kjörinu.

Gylfi Þór Sigurðsson. mbl.is/Eggert Jóhannesson

Segja má að Gylfi og Sara hafi verið með þessa titla í áskrift því bæði eru þau kjörin fimmta árið í röð. Gylfi hefur nú verið valinn níu sinnum á síðustu tíu árum og Sara sex sinnum á síðustu sjö árum.

Í karlaflokki varð Jóhann Berg Guðmundsson í öðru sæti og Ragnar Sigurðsson í þriðja sæti.

Í kvennaflokki varð Glódís Perla Viggósdóttir í öðru sæti og Elín Metta Jensen í þriðja sæti.

• Blogga um frétt