Baráttusigur HK-inga á Blikum

HK vann óvænt­an sig­ur á Breiðabliki, 1:0, í upp­gjöri Kópa­vogsliðanna í úr­vals­deild karla í knatt­spyrnu, Pepsi Max-deild­inni, í Kórn­um í kvöld.

Birn­ir Snær Inga­son skoraði sig­ur­mark HK sem vann í fyrsta sinn í fimm leikj­um og en nú komið með 8 stig í ní­unda sæti deild­ar­inn­ar.

Blik­um hef­ur hins­veg­ar ekki tek­ist að vinna í fimm leikj­um í röð eft­ir góða byrj­un á mót­inu og síga niður töfl­una með 11 stig.

Breiðablik sótti mun meira frá byrj­un leiks en gekk illa að skapa sér mark­tæki­færi gegn sterk­um varn­ar­leik HK.

Það var HK sem fékk fyrsta færið á 7. mín­útu þegar Val­geir Val­geirs­son átti skalla af stuttu færi eft­ir fyr­ir­gjöf Ívars Arn­ar Jóns­son­ar en Ant­on Ari Ein­ars­son varði vel.

HK komst yfir á 21. mín­útu þegar Ant­on Ari gerði stór mis­tök. Hann átti mis­heppnaða send­ingu frá marki, beint á Birni Snæ Inga­son sem tók við bolt­an­um rétt utan víta­teigs, lék á Damir Mum­in­ovic og sendi bolt­ann með föstu skoti í vinstra hornið, 1:0.

Blikar sótti af krafti eft­ir þetta og fengu hverja horn­spyrn­una á fæt­ur öðru. Þeir fengu þó aðeins eitt færi up­p­úr því, Hösk­uld­ur Gunn­laugs­son átti hörku­skot hægra meg­in úr víta­teign­um sem Sig­urður Hrann­ar Björns­son í marki HK varði.

HK náði að kom­ast fram­ar á völl­inn á lokakafla fyrri hálfleiks, Arnþór Ari Atla­son var hárs­breidd frá því að kom­ast í bolt­ann í dauðafæri og Ívar Örn Jóns­son átti skot úr auka­spyrnu sem Ant­on Ari varði ör­ugg­lega. Staðan var 1:0 í hálfleik.

Blikar komust í færi strax á fyrstu mín­útu síðari hálfleiks, Al­ex­and­er Helgi Sig­urðar­son átti fast skot hægra meg­in úr víta­teig HK en Sig­urður Hrann­ar varði ör­ugg­lega.

Thom­as Mikk­el­sen var síðan hárs­breidd frá því að jafna á 64. mín­útu þegar hann renndi sér í bolt­ann í markteign­um eft­ir send­ingu Gísla Eyj­ólfs­son­ar en hann fór fram­hjá stöng­inni hægra meg­in.

Blikar sóttu linnu­lítið eft­ir því sem leið á seinni hálfleik­inn. Kwame Quee skallaði fram­hjá marki HK eft­ir auka­spyrnu á 83. mín­útu.

HK fékk óvænt færi á 88. mín­útu eft­ir fyr­ir­gjöf frá hægri, Atli Arn­ar­son stýrði bolt­an­um á markið af stuttu færi en beint á Ant­on í mark­inu.

Blikar pressuðu lát­laust í fimm mín­útna upp­bót­ar­tíma þar sem Krist­inn Stein­dórs­son fékk gott færi en skaut í varn­ar­mann og horn. Hösk­uld­ur Gunn­laugs­son átti síðan mjög gott færi en skaut yfir markið. HK hélt út og fagnaði bar­átt­u­sigri þegar flautað var til leiks­loka.

HK	1:0	Breiðablik	Opna lýs­ingu Loka
90. mín. 5 mín­út­um bætt við
Birnir Snær Ingason (21. mín.) Mörk Guðmundur Þór Júlíusson (8. mín.) Jón Arnar Barðdal (34. mín.) Ívar Örn Jónsson (54. mín.) Sigurður Hrannar Björnsson (68. mín.) Spjöld Thomas Mikkelsen (42. mín.) Damir Muminovic (55. mín.) Gísli Eyjólfsson (76. mín.) Alexander Helgi Sigurðarson (86. mín.) mín. 90 Leik lokið HK sigrar Breiðablik 1:0 90 Höskuldur Gunnlaugsson (Breiðablik) á skot framhjá Sneri sér í teignum og skaut yfir mark HK úr góðu færi! 90 Stanslaus pressa! 90 Breiðablik fær hornspyrnu 90 Kristinn Steindórsson (Breiðablik) á skot sem er varið Í HK-ing og rétt framhjá markinu! 90 Breiðablik fær hornspyrnu 90 Blikar sækja án afláts og HK-ingar verjast með kjafti og klóm 90 5 mínútum bætt við 89 Gísli Eyjólfsson (Breiðablik) á skot framhjá Misheppnað skot af 20 m færi, hátt yfir markið 87 Atli Arnarson (HK) á skot sem er varið Viðstöðulaust frá markteig en beint á Anton í markinu. 87 Ásgeir Marteinsson (HK) kemur inn á 87 Valgeir Valgeirsson (HK) fer af velli 86 Alexander Helgi Sigurðarson (Breiðablik) fær gult spjald Braut á Ólafi Erni Eyjólfssyni sem var á leið í hraða sókn HK 83 Kwame Quee (Breiðablik) á skalla sem fer framhjá Eftir aukaspyrnu Olivers frá hægri, skallar af markteig en framhjá vinstra megin. 80 Ólafur Örn Eyjólfsson (HK) kemur inn á 80 Ásgeir Börkur Ásgeirsson (HK) fer af velli 79 Breiðablik fær hornspyrnu Ásgeir Börkur kemst fyrir fyrirgjöfina og sest svo á völlinn. Nú er hann á leið útaf. 77 Kwame Quee (Breiðablik) kemur inn á Sóknarsinnuð skipting 77 Damir Muminovic (Breiðablik) fer af velli 76 Gísli Eyjólfsson (Breiðablik) fær gult spjald Fyrir að keyra Valgeir Valgeirsson niður út við hliðarlínu 75 Oliver Sigurjónsson (Breiðablik) á skot sem er varið Aukaspyrna Blika tæpa 30 metra frá markinu. Fast skot og Sigurður kastar sér og slær boltann út á kant. 73 Brynjólfur Willumsson (Breiðablik) á skot sem er varið Fyrir utan vítateig, í varnarmann sem tekur kraftinn úr skotinu og Sigurður grípur örugglega í marki HK. 68 Sigurður Hrannar Björnsson (HK) fær gult spjald Fyrir tafir. Hljóp langt út úr markinu til að fagna Ívari fyrir tæklinguna! 67 Ívar Örn Jónsson stöðvar Höskuld sem var að komast í dauðafæri við vítateiginn og krækir í markspyrnu. 64 Thomas Mikkelsen (Breiðablik) á skot framhjá Stýrir boltanum að markinu úr dauðafæri í markteignum en framhjá stönginni hægra megin! 62 Gísli Eyjólfsson (Breiðablik) kemur inn á 62 Davíð Ingvarsson (Breiðablik) fer af velli 61 Ívar Örn Jónsson (HK) á skot sem er varið Fast skot úr aukaspyrnunni, Anton ver, heldur ekki boltanum en gómar hann síðan. 60 Jón Arnar Barðdal er felldur rétt utan vítateigs Blika, til hægri. Aukaspyrna á hættulegum stað. 60 Ásgeir Börkur er kominn aftur inná hjá HK. 59 Oliver Sigurjónsson (Breiðablik) á skot framhjá Reyndi skot af 20 m færi en vel framhjá markinu. 58 Valgeir Valgeirsson brýst alla leið inná markteig Blika. Dettur þar, vill vítaspyrnu en Egill dómari er ekki á sama máli. 56 Ásgeir Börkur sest á völlinn eftir að hafa komist fyrir langa sendingu Blika fram völlinn. Þarf aðhlynningu. Líklega á leið af velli. Það yrði áfall fyrir HK en Ásgeir hefur verið gríðarlega drjúgur í varnarleik liðsins. 55 Damir Muminovic (Breiðablik) fær gult spjald Skellti Birni Snæ út við hliðarlínu, eftir að kantmaðurinn hafði klobbað hann 54 Brynjólfur Willumsson (Breiðablik) á skalla sem fer framhjá Eftir aukaspyrnu frá hornfánanum hægra megin en nær ekki að stýra boltanum á markið. 54 Ívar Örn Jónsson (HK) fær gult spjald Fyrir brot á Brynjólfi upp við hornfánann 53 Löng og þung sókn Blika sem leita að glufum á vörn HK. 50 Hættuleg aukaspyrna Blika. Dæmd rangstaða á þá en Ásgeir Börkur og Sigurður Hrannar markvörður HK rekast saman þegar Ásgeir skallar boltann í burtu. Smá hlé á leiknum. 46 Alexander Helgi Sigurðarson (Breiðablik) á skot sem er varið Hörkuskot hægra megin úr vítateignum en Sigurður ver vel. 46 Seinni hálfleikur hafinn HK byrjar með boltann í seinni hálfleik. 45 Hálfleikur HK fer inn í leikhléið með 1:0 forystu eftir harða baráttu gegn Blikunum sem hafa sótt miklu meira en ekki skapað sér mikið af færum. Birnir Snær Ingason með eina mark leiksins til þessas. 45 Einni mínútu bætt við 42 Thomas Mikkelsen (Breiðablik) fær gult spjald Setti fótinn fyrir þegar Sigurður markvörður HK spyrnti frá marki. 41 Ívar Örn Jónsson (HK) á skot sem er varið HK fær aukaspyrnu 25-30 metra frá marki Blika eftir brot á Jóni Arnari Barðdal. Fast skot Ívars en Anton ver örugglega í hægra horninu niðri. 39 Arnþór Ari Atlason í dauðafæri í markteig Blika eftir hornspyrnu Ívars en nær ekki að koma boltanum á markið. Kom aðeins of aftarlega til að Arnþór næði í boltann. 38 HK fær hornspyrnu Nú hefur HK náð að létta á pressunni og byggja aðeins upp. Valgeir krækir í hornspyrnu. 35 Höskuldur Gunnlaugsson (Breiðablik) á skot sem er varið Hörkuskot hægra megin úr teignum á nærstöngina en Sigurður ver og boltinn fer síðan afturfyrir í markspyrnu. 34 Jón Arnar Barðdal (HK) fær gult spjald Fyrir að keyra harkalega í Róbert Orra Þorkelsson sem liggur eftir 33 Breiðablik fær hornspyrnu Enn eitt hornið! HK-ingar ná að hreinsa langt fram og létta á pressunni 32 Breiðablik fær hornspyrnu Enn eitt hornið eftir stórsókn Blika. Nú spyrnir Höskuldur frá hægri. 31 Breiðablik fær hornspyrnu Föst fyrirgjöf Höskuldar í gegnum vítateiginn hjá HK - horn hinum megin 29 Breiðablik fær hornspyrnu Ívar kemst fyrir skot eða fyrirgjöf Höskuldar frá hægri og í horn. Ótrúlegt - þriðja horn Davíðs sem fer nákvæmlega eins og tvær þær fyrri - yfir alla og afturfyrir endamörk. 25 Breiðablik fær hornspyrnu Eftir fyrirgjöf Höskulds frá hægri. Önnur nákvæmlega eins hornspyrna Davíðs fyrir Blika, hátt yfir alla í teignum og afturfyrir endamörkin hinum megin. 24 Blikar hafa sótt mun meira og reyna nú að gefa í eftir að hafa fengið á sig markið. HK-ingar verjast af krafti. 21 MARK! Birnir Snær Ingason (HK) skorar 1:0 - Anton Ari Einarsson í marki Blika gerir stór mistök. Slæm sending hans út frá markinu, beint á Birni sem stingur sér fallega framhjá Damir Muminovic og hamrar boltann í vinstra hornið! 19 Leifur Andri og Thomas Mikkelsen eigast við á vítateigslínu HK. Dæmt á Mikkelsen - þetta gat verið á hvorn sem var! 16 Alexander Helgi Sigurðarson (Breiðablik) á skot framhjá Hröð sókn Blika endar með skoti hátt, mjög hátt yfir mark HK 15 Breiðablik fær hornspyrnu Eftir gríðarlegan sóknarþunga Blika þar sem Kristinn og Höskuldur leituðu ákaft að skotfæri í vítateignum. Hornspyrnan er hinsvegar misheppnuð, fer yfir alla í teignum og HK á markspyrnu. 10 Góður sprettur Höskuldar Gunnlaugssonar af hægri kantinum og inní vítateig HK en sending hans ratar að lokum ekki á samherja 8 Guðmundur Þór Júlíusson (HK) fær gult spjald Stöðvaði hraða sókn Blika með því að brjóta á Mikkelsen. 7 HK fær hornspyrnu 7 Valgeir Valgeirsson (HK) á skalla sem er varinn Hörkuskalli af markteig eftir fyrirgjöf Ívars Arnar Jónssonar frá vinstri og Anton slær boltann yfir slána 4 Breiðablik fær hornspyrnu Höskuldur reyndi að senda fyrir frá hægri, í Ívar Örn Jónsson og í horn. HK nær að koma boltanum í burtu eftir hornið. 3 Hættuleg sending Höskuldar frá hægri endamörkum inní markteiginn þar sem Sigurður Hrannar gómar boltann í annarri tilraun. 3 Ívar Örn Jónsson (HK) á skot framhjá Ívar skaut beint úr aukaspyrnunni en framhjá markinu vinstra megin. 2 HK fær aukaspyrnu um 30 metra frá marki Blika, fyrir miðju. 1 Leikur hafinn Egill Arnar Sigurþórsson flautar til leiks, Blikar byrja með boltann. 0 Liðin ganga inn á völlinn, þetta fer að byrja. Stúkan er smám saman að þéttast enda alltaf mikill áhugi fyrir Kópavogsslagnum. 0 Óskar Hrafn Þorvaldsson þjálfari Breiðabliks gerir þrjár breytingar á byrjunarliðinu frá tapinu gegn Val. Alexander Helgi Sigurðarson, Róbert Orri Þorkelsson og Davíð Ingvarsson koma inn í liðið en á bekkinn setjast þeir Elfar Freyr Helgason, Andri Rafn Yeoman og Kwame Quee. 0 Brynjar Björn Gunnarsson þjálfari HK gerir tvær breytingar á byrjunarliðinu frá leiknum við Stjörnuna. Jón Arnar Barðdal er fremsti maður í stað Bjarna Gunnarssonar sem er meiddur og Ívar Örn Jónsson kemur fyrir Hörð Árnason í stöðu vinstri bakvarðar. 0 HK fékk fjögur stig gegn grönnum sínum í deildinni í fyrra. Liðin gerðu jafntefli í Kórnum, 2:2, þar sem Blikar náðu stigi með tveimur mörkum á lokamínútunum. Ásgeir Marteinsson og Björn Berg Bryde skoruðu fyrir HK en Thomas Mikkelsen og Viktor Örn Margeirsson fyrir Breiðablik. Seinni leikinn á Kópavogsvelli vann HK 2:1 þar sem Atli Arnarson skoraði bæði mörk HK en Þórir Guðjónsson minnkaði muninn fyrir Breiðablik. 0 HK er í tíunda sæti með fimm stig og Breiðablik í fjórða sæti með ellefu stig. HK hefur ekki unnið í fimm leikjum í röð, frá 3:0 sigrinum gegn KR í 2. umferð, og Blikar hafa ekki unnið í fjórum síðustu leikjunum eftir þrjá sigra í byrjun móts. 0 Gott kvöld og verið velkomin með mbl.is í beina textalýsingu frá Kópavogsslag HK og Breiðabliks í Pepsi Max-deild karla í fótbolta. Sjá meira Sjá allt HK: (4-3-3) Mark: Sigurður Hrannar Björnsson. Vörn: Birkir Valur Jónsson, Guðmundur Þór Júlíusson, Leifur Andri Leifsson, Ívar Örn Jónsson. Miðja: Ásgeir Börkur Ásgeirsson (Ólafur Örn Eyjólfsson 80), Arnþór Ari Atlason, Atli Arnarson. Sókn: Valgeir Valgeirsson (Ásgeir Marteinsson 87), Jón Arnar Barðdal, Birnir Snær Ingason. Varamenn: Hjörvar Daði Arnarsson (M), Ásgeir Marteinsson, Ólafur Örn Eyjólfsson, Hörður Árnason, Ari Sigurpálsson, Þorsteinn Örn Bernharðsson, Stefan Ljubicic. Breiðablik: (3-5-2) Mark: Anton Ari Einarsson. Vörn: Damir Muminovic (Kwame Quee 77), Viktor Örn Margeirsson, Róbert Orri Þorkelsson. Miðja: Höskuldur Gunnlaugsson, Alexander Helgi Sigurðarson, Kristinn Steindórsson, Oliver Sigurjónsson, Davíð Ingvarsson (Gísli Eyjólfsson 62). Sókn: Brynjólfur Willumsson, Thomas Mikkelsen. Varamenn: Gunnleifur Gunnleifsson (M), Elfar Freyr Helgason, Gísli Eyjólfsson, Hlynur Freyr Karlsson, Andri Rafn Yeoman, Benedikt V. Warén, Kwame Quee. Skot: Breiðablik 12 (5) - HK 6 (5) Horn: HK 2 - Breiðablik 10. Lýsandi: Víðir Sigurðsson Völlur: Kórinn Leikur hefst 23. júlí 2020 20:15 Aðstæður: Gervigras innanhúss, 15 stiga hiti Dómari: Egill Arnar Sigurþórsson Aðstoðardómarar: Egill Guðvarður Guðlaugsson og Ragnar Þór Bender

• Blogga um frétt