Grótta missteig sig

Grótta mis­steig sig í topp­bar­átt­unni í Lengju­deild kvenna í knatt­spyrnu í kvöld er liðið missti niður tveggja marka for­ystu og gerði 2:2-jafn­tefli gegn Vík­ing­um úr Reykja­vík á Seltjarn­ar­nes­inu.

Tinna Jóns­dótt­ir kom heima­kon­um í 2:0 með mörk­um á 9. og 28. mín­útu en Stef­an­ía Ásta Tryggva­dótt­ir minnkaði mun­inn fyr­ir gest­ina úr Foss­vog­in­um rétt fyr­ir hálfleik með marki úr víti og Nadía Atla­dótt­ir jafnaði met­in á 67. mín­útu.

Gróttu mistókst því að fara upp í þriðja sætið en liðið er í 4. sæti með 19 stig, stigi á eft­ir Hauk­um og tveim­ur á eft­ir Kefla­vík sem eiga bæði leik til góða. Vík­ing­ur er í 8. sæti með níu stig.

• Blogga um frétt