Við erum ógeðslega flottir

Guðlaug­ur Victor Páls­son átti afar góðan leik þegar Ísland þurfti að sætta sig við afar naumt 0:1-tap fyr­ir Englandi í Þjóðadeild­inni í fót­bolta á Laug­ar­dals­velli í kvöld. Raheem Sterl­ing skoraði sig­ur­markið úr víti á loka­mín­út­unni en Birk­ir Bjarna­son brenndi af víti hinum meg­in í upp­bót­ar­tíma. 

„Ég er hálforðlaus. Eft­ir þessa bar­áttu og liðsframmistöðu og drama­tík í end­ann. Maður var svekkt­ur, svo ánægður en svo enn svekkt­ari,“ sagði Guðlaug­ur við Stöð 2 sport. Guðlaug­ur gerði virki­lega vel í fjar­veru Arons Ein­ars Gunn­ars­son­ar landsliðsfyr­irliða. 

„Ég er bú­inn að bíða eft­ir þessu lengi að geta sýnt mitt rétta and­lit með landsliðinu. Þeir eiga eng­in færi þannig séð, við erum ógeðslega flott­ir. Svo fá þeir þetta víti og við hefðum getað skorað úr okk­ar víti og farið héðan sátt­ir. Þetta er eins og geng­ur og ger­ist í fót­bolta,“ sagði Guðlaug­ur.

• Blogga um frétt