Áttum ekki minnsta möguleika

„Við mætt­um í þenn­an leik til að reyna að fá eitt­hvað út úr hon­um en frammistaða okk­ar var alls ekki góð og við átt­um ekki minnsta mögu­leika á móti þeim,“ sagði Andri Ólafs­son þjálf­ari Eyja­kvenna eft­ir 4:0-tap fyr­ir Val á Hlíðar­enda í dag þegar leikið var í efstu deild kvenna í fót­bolta, Pepsi-deild­inni.

Í hálfleik var þrem­ur leik­mönn­um, sem höfðu staðið sig vel, skipt út af og svo nokkr­um til viðbót­ar en þjálf­ar­inn sagði ástæðu fyr­ir því.  „Við spá­um eins og all­ir í næstu leiki. Við sáum ekki fyr­ir okk­ur að við kæm­um til baka í þess­um leik og marg­ir leik­menn komn­ir með þrjú gul spjöld auk þess sem álagið hef­ur verið mikið og við vit­um að það er mikið álag fram und­an svo að við þurft­um að hugsa aðeins um framtíðina,“ bætti þjálf­ar­inn við og seg­ir liðið þurfa að spýta í lóf­ana.

„Við erum ekki bún­ir að bjarga liðinu frá falli og þurf­um að ná í fleiri stig, ætluðum að gera bet­ur en í fyrra og við erum ekki kom­in þangað, verðum að spýta í lóf­ana ef það á að ganga.“

• Blogga um frétt