Þróttur upp úr fallsæti

Þrótt­ur Reykja­vík komst í dag upp úr fallsæti í Lengju­deild karla í fót­bolta með 2:1-heima­sigri á Vestra. Leikn­ir Fá­skrúðsfirði tapaði fyr­ir Aft­ur­eld­ingu, 1:3, og fór niður í fallsæti fyr­ir vikið. 

Þrótt­ar­ar byrjuðu af mikl­um krafti og Dion Acoff og Esaú Rojo komu liðinu í 2:0 eft­ir aðeins 20 mín­út­ur. Nacho Gill minnkaði mun­inn fyr­ir Vestra á 64. mín­útu en nær komust Vestra­menn ekki. 

Vont varð verra fyr­ir Vestra því Friðrik Þórir Hjalta­son fékk sitt annað gula spjald og þar með rautt í blá­lok­in. 

Iz­aro Abella kom Leikni yfir gegn Aft­ur­eld­ingu strax á þriðju mín­útu í Fjarðabyggðar­höll­inni en tvö mörk frá Kára Steini Hlíf­ars­syni og eitt frá Endika Gal­arza tryggðu sig­ur Aft­ur­eld­ing­ar. 

Staðan: 

1. Fram 28
2. Leikn­ir Reykja­vík 26
3. Kefla­vík 24
4. ÍBV 24
5. Grinda­vík 20
6. Þór 20
7. Vestri 19
8. Aft­ur­eld­ing 15
9. Vík­ing­ur Ó. 12
10. Þrótt­ur 11
11. Leikn­ir Fá­skrúðsfirði 11
12. Magni 8

• Blogga um frétt