Tindastóll nálgast efstu deild

Gott gengi Tinda­stóls í Lengju­deild kvenna í fót­bolta hélt áfram er liðið vann 4:0-sig­ur á Gróttu á heima­velli í dag. Tinda­stóll er með fjög­urra stiga for­skot á toppn­um og ell­efu stiga for­skot á Hauka í þriðja sæti þegar liðið á sex leiki eft­ir. 

Ótrú­legt gengi Murielle Tiern­an fyr­ir fram­an markið hélt áfram því sú banda­ríska skoraði þrennu og landa henn­ar Jacqu­el­ine Altschuld skoraði eitt mark. Tiern­an hef­ur skorað sex­tán mörk í síðustu sex leikj­um og 18 mörk alls í 12 leikj­um á tíma­bil­inu. 

Kefla­vík er áfram í góðri stöðu í öðru sæti eft­ir 1:0-sig­ur á ÍA í Akra­nes­höll­inni. Paula Watnick skoraði sig­ur­markið fjór­um mín­út­um fyr­ir leiks­lok með fal­legu skoti. 

Þá vann Fjöln­ir 2:1-sig­ur á Augna­bliki á heima­velli. Marta Björg­vins­dótt­ir og Bertha María Óla­dótt­ir skoruðu mörk Fjöln­is og Elín Helena Karls­dótt­ir gerði mark Augna­bliks. Aft­ur­eld­ing hafði bet­ur gegn Völsungi, 1:0 þar sem sjálfs­mark réði úr­slit­um. 

Staðan: 

1. Tinda­stóll 31
2. Kefla­vík 27
3. Hauk­ar 20
4. Grótta 19
5. Aft­ur­eld­ing 18
6. Augna­blik 12
7. ÍA 9
8. Vík­ing­ur R. 9
9. Fjöln­ir 4
10. Völsung­ur 3

• Blogga um frétt