Toppliðin unnu nauma sigra

Kórdreng­ir eru enn á toppi 2. deild­ar karla í fót­bolta eft­ir 2:1-sig­ur á Hauk­um í mik­il­væg­um leik á Fram­velli í Safa­mýri. Með sigr­in­um fóru Kórdreng­ir upp í 31 stig, eins og Sel­foss. Eru þau fjór­um stig­um á und­an Njarðvík í þriðja sæti. 

Þor­steinn Aron Ant­ons­son var hetja Sel­fyss­inga í 1:0-sigri á Fjarðabyggð á úti­velli. Skoraði hann sig­ur­markið á 22. mín­útu. 

Víðismönn­um gekk illa að halda í for­ystu gegn Dal­vík/​Reyni á heima­velli því norðan­menn jöfnuðu tvisvar í 2:2-jafn­tefli. Pawel Gridz­inski og Guyon Phil­ips skoruðu mörk Víðis en Borja Lopez gerði bæði mörk Dal­vík­ur/​Reyn­is, þar á meðal jöfn­un­ar­mark úr víti í upp­bót­ar­tíma. 

Þá hafði Kári bet­ur gegn ÍR á úti­velli. Már Viðars­son fékk rautt spjald á 55. mín­útu hjá ÍR í stöðunni 0:0. Kára­menn nýttu sér liðsmun­inn og Jón Vil­helm Ákason og Elís Dof­ri Gylfa­son komu þeim í 2:0. Jónatan Hró­bjarts­son minnkaði mun­inn fyr­ir ÍR á 85. mín­útu og þar við sat. 

Tveir leik­ir fóru fram í deild­inni í gær. Ann­ars veg­ar vann Þrótt­ur V. 3:0-sig­ur á Völsungi þar sem Al­ex­and­er Helga­son gerði tvö mörk og Hubert Kot­us eitt. Þá vann Njarðvík 4:2-sig­ur á KF. Ivan Prskalo gerði tvö mörk fyr­ir Njarðvík og Bergþór Ingi Smára­son og Kenn­eth Hogg eitt hvor. Oum­ar Di­ouck og Sæv­ar Gylfa­son skoruðu mörk KF. 

Staðan:

1. Kórdreng­ir 31
2. Sel­foss 31
3. Njarðvík 27
4. Þrótt­ur V. 25
5. Hauk­ar 24
6. KF 22
7. Fjarðabyggð 21
8. Kári 19
9. ÍR 13
10. Víðir 13
11. Dal­vík/​Reyn­ir 9
12. Völsung­ur 7

• Blogga um frétt