Við erum sáttar við fjögurra marka sigur

„Við erum sátt­ar við fjög­urra marka sig­ur,“ sagði Gunn­hild­ur Yrsa Jóns­dótt­ir, sem átti mjög góðan dag og skoraði tvö mörk fyr­ir Val í 4:0 sigri á ÍBV á Hlíðar­enda í dag þegar leikið var í efstu deild kvenna í fót­bolta, Pepsi-deild­inni.

„Við vor­um auðvitað svekkt­ar yfir tap­inu gegn Sel­fossi í bik­arn­um og við erum sátt­ar við að ná í þrjú stig hérna en það var líka mik­il­vægt fyr­ir sjálfs­traust okk­ar. Það er eitt að tapa í bik­ar­keppni en að mæta í næsta leik og skora fjög­ur mörk er mjög mik­il­vægt.“

Það stefn­ir í mikla bar­áttu Vals og Breiðabliks um efsta sæti deild­ar­inn­ar en Blikar hafa skorað mun fleiri mörk og fengið á sig mun færri en Val­ur. „Við get­um ekk­ert verið að spá í hvernig marka­tal­an er, það þýðir ekk­ert að spá í það. Málið er bara að spila sinn besta leik og ef mörk­in koma þá er það bara frá­bært og auðvitað reyn­um við að skora eins mikið og við get­um en ís­lenska deild­in er erfið, erfitt að brjóta lið niður og við verðum bara að ein­beita okk­ur að því að vinna okk­ar leiki. Mér fannst þetta heilt yfir góður leik­ur hjá okk­ur,“ bætti Gunn­hild­ur Yrsa við.

• Blogga um frétt