Leikur Belgíu og Íslands í hættu?

Brandon Mechele, leikmaður belg­íska landsliðsins í knatt­spyrnu og Club Brug­ge í heimalandi sínu, greind­ist með kór­ónu­veiruna í gær.

Frétt af mbl.is

Smit hjá Belg­um

Mechele fór strax í ein­angr­un eft­ir að hann greind­ist með veiruna en hann var á meðal vara­manna í 2:0-sigri Belga gegn Dön­um á Par­ken í Þjóðadeild UEFA á laug­ar­dag­inn síðasta.

Belg­íska knatt­spyrnu­sam­bandið greindi frá því á Twitter í dag að all­ir leik­menn liðsins og starfslið yrði prófað fyr­ir veirunni í dag.

Fari svo að aðrir leik­menn eða starfs­menn grein­ist með kór­ónu­veiruna gætu Belg­ar þurft að gefa leik­inn og Ísland myndi þá fagna 3:0-sigri.

Niður­stöðu úr kór­ónu­veiru­próf­um Belga er að vænta eft­ir há­degi en leik­ur­inn á að fara fram á Baudou­in-vell­in­um í Brus­sel í dag klukk­an 18:45.

• Blogga um frétt