„Spila miklu hraðar en Englendingarnir“

„Við mætt­um virki­lega góðu liði. Þeir voru betri og lítið við því að segja,“ sagði Erik Hamrén, landsliðsþjálf­ari Íslands, í viðtali við Stöð2 Sport í kvöld eft­ir 5:1-tap fyr­ir Belg­íu í Þjóðadeild­inni UEFA.

„Það er aldrei gott að tapa stórt og er slæmt fyr­ir sjálfs­traustið. En við reyn­um að læra af þessu. Mestu máli skipt­ir að standa sig vel í um­spil­inu fyr­ir EM.“

Frétt af mbl.is

Yf­ir­burðir Belga í Brus­sel

Hamrén var hrein­skil­inn varðandi það að Belgarn­ir væru ein­fald­lega betri. 

„Við byrjuðum vel en þeir eru góðir og við lent­um í vand­ræðum. Sér­stak­lega í stöðunni maður á móti manni. Þegar ork­an minnk­ar og okk­ur skort­ir hraða til að skapa eitt­hvað erum við í vand­ræðum. Við feng­um svör við ýmsu. Sumt af því er já­kvætt en annað nei­kvætt. Sem er ástæðan fyr­ir því að ég vildi skoða nokkra leik­menn. Ég var ánægður með það sem ég sá á móti Englandi en í dag var sumt já­kvætt en annað nei­kvætt. Leik­ur­inn er 90 mín­út­ur og menn æfa með það í huga. En Belgarn­ir eru betri en við og þeir sýndu það í dag. Við þurft­um að elta þá og urðum þreytt­ir þegar leið á. Við hefðum þurft að loka bet­ur eins og okk­ur tókst að gera gegn Englandi. En það er ekki svo ein­falt því Belgarn­ir færa bolt­ann á milli miklu hraðar en Eng­lend­ing­ar,“ sagði Hamrén í út­send­ingu Stöðvar2 Sport. 

Hamrén var spurður út í fyrstu tvö mörk Belga þar sem kom til kasta aðstoðardóm­ar­ans. Jón Guðni reyndi að bjarga á línu í fyrsta mark­inu og í öðru mark­inu vildu ís­lensku varn­ar­menn­irn­ir fá rang­stöðu. 

„Ég treysti aðstoðardóm­ar­an­um,“ sagði Hamrén.

Erik Hamrén. AFP

• Blogga um frétt